<
‘‘நடிகைகளுக்கு கோவில் கட்டுவதில் உடன்பாடு இல்லை’’ நடிகை வாணிபோஜன் பேட்டி
வாணிபோஜன் தினமும் உடற்பயிற்சி செய்வதில் ஈடுபாடு கொண்டவர்.
சென்னையில் ஒரு உடற்பயிற்சி கூடத்தை திறந்து வைத்தார். அப்போது நிருபர்கள் கேட்ட கேள்விகளும், அவற்றுக்கு வாணிபோஜன் அளித்த பதில்களும் வருமாறு:
கேள்வி: ஓடிடியில் படங்கள் வெளியிடுவது பற்றி உங்கள் கருத்து என்ன?
பதில்: எங்களைப் போன்று புதிதாக வரும் நடிகர்-நடிகைகளுக்கு ஓடிடி தளம் சாதகமாக இருக்கிறது. தியேட்டர்களுக்கு மாற்றாக ஓடிடி அமைந்திருக்கிறது. ஆனாலும் தியேட்டர்களுக்குப் போய் படம் பார்ப்பது, ஒரு தனி அனுபவம்.
கேள்வி: வெப் தொடர்கள் தயாரிக்கப்படுவது பற்றி என்ன சொல்கிறீர்கள்?
பதில்: வெப் தொடர்களுக்கு ரசிகர்கள் வரவேற்பு கொடுக்கிறார்கள். எங்களுக்கு மகிழ்ச்சிதான். நிறைய புதுமுகங்கள் வருவதற்கு வெப் தொடர்கள் வாய்ப்பு அளிக்கின்றன.
கேள்வி: நடிகைகளுக்கு கோவில் கட்டுவது பற்றி என்ன நினைக்கிறீர்கள்?
பதில்: அதில் எனக்கு உடன்பாடு இல்லை. தெய்வங்களுக்குத்தான் கோவில் கட்ட வேண்டும். நாங்கள் சம்பளம் வாங்கிக் கொண்டு நடிக்கிறோம். எங்களுக்கு கோவில் கட்ட தேவையில்லை. இவ்வாறு வாணிபோஜன் கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
