<
தமிழில் வெளியாகிறது “தி காஷ்மீர் ஃபைல்ஸ்” திரைப்படம்...!
தி காஷ்மீர் ஃபைல்ஸ் நாடு முழுவதும் உள்ள திரையரங்குகளில் அண்மையில் திரையிடப்பட்டு கலவையான விமர்சனங்களை பெற்று வருகின்றன.
புதுடெல்லி,
காஷ்மீரில் 1990-களில் நடைபெற்ற பண்டிட்கள் மீதான தாக்குதல்கள், பண்டிட்கள் காஷ்மீரில் இருந்து வெளியேறிய சம்பவங்கள் இந்தியில் திரைப்படமாக எடுக்கப்பட்டுள்ளது.
’தி காஷ்மீர் ஃபைல்ஸ்’ என்று பெயரிடப்பட்டுள்ள இந்த திரைப்படத்தை விவேக் ரஞ்சன் அக்னிகொத்ரி இயக்கியுள்ளார். இந்த திரைப்படம் நாடு முழுவதும் உள்ள திரையரங்குகளில் அண்மையில் திரையிடப்பட்டு கலவையான விமர்சனங்களை பெற்று வருகின்றன.
இந்த திரைப்படம் வெளியாகிய முதல் 6 தினங்களில் இந்தியாவில் மட்டும் ரூ.80 கோடி வசூல் சாதனை படைத்து இருந்தது . பல்வேறு தரப்பினரின் பாராட்டுகளுக்கு பிறகு இந்த திரைப்படம் தற்போது ரூ.200 கோடி வசூல் சாதனை படைத்துள்ளதாக படக்குழு தெரிவித்துள்ளது.
இந்த நிலையில் தி காஷ்மீர் ஃபைல்ஸ் படத்தினை தமிழ், தெலுங்கு கண்ணடம், மலையாளம் ஆகிய 4 மொழிகளில் டப்பிங் செய்து விரைவில் வெளியிட படக்குழு முடிவு செய்துள்ளன. இதனால் படத்தினை டப்பிங் செய்யும் பணிகள் வேகமெடுத்துள்ளதாக தகவல்கள் தெரிவிக்கின்றன.
“தி காஷ்மீர் ஃபைல்ஸ்” திரைப்படம் தமிழிலும் டப் செய்யப்பட்டு விரைவில் வெளியாக இருப்பதாகவும், அதற்கான வேலைகள் நடந்து வருவதாகவும் ஏப்ரல் முதல் வாரம் தமிழில், ’தி காஷ்மீர் ஃபைல்ஸ்’ படம் வெளியாகும் என்று தகவல்கள் வெளியாகியுள்ளன.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
