சேந்தமங்கலம் அருகே 17 வயது இளம்பெண் கற்பழிப்பு லாரி டிரைவர் கைது

சேந்தமங்கலம்,

நாமக்கல் மாவட்டம் சேந்தமங்கலம் அருகே உள்ள வடுகப்பட்டியை சேர்ந்தவர் ஜீவானந்தம் (வயது 35), லாரி டிரைவர். இவர் அதே பகுதியை சேர்ந்த 17 வயது இளம்பெண்ணை கற்பழித்து விட்டதாக கூறப்படுகிறது.

இதுகுறித்து அந்த இளம்பெண் தனது பெற்றோரிடம் தெரிவித்தார். இதுபற்றி அவர்கள், சேந்தமங்கலம் போலீஸ் நிலையத்தில் புகார் செய்தனர். அதன்பேரில், போலீஸ் இன்ஸ்பெக்டர் முருகேசன் வழக்குப்பதிவு செய்து விசாரணை நடத்தினார். பின்னர் இது தொடர்பாக ஜீவானந்தத்தை போலீசார் நேற்று கைது செய்தனர்.