தொழிலாளி தூக்குப்போட்டு தற்கொலை

திருமானூர்,

அரியலூர் மாவட்டம் திருமானூர் அருகே உள்ள கீழப்பழுவூர் சீனிவாசன் நகரை சேர்ந்தவர் ராதாகிருஷ்ணன்(வயது 37). இவருக்கு கடந்த 10 ஆண்டுகளுக்கு முன்பு திருமானூரை சேர்ந்த பத்மாவதியுடன் திருமணம் நடந்தது. இந்த நிலையில் குடும்ப பிரச்சினை காரணமாக பத்மாவதி, ராதாகிருஷ்ணனை விட்டு பிரிந்து தனது தாய் வீட்டில் வசித்து வருகிறார். இதனால் மனமுடைந்த ராதாகிருஷ்ணன் நேற்று முன்தினம் மாலை வீட்டில் தூக்குப்போட்டு தற்கொலை செய்து கொண்டார். சம்பவ இடத்திற்கு விரைந்து வந்த கீழப்பழுவூர் போலீசார் ராதாகிருஷ்ணனின் உடலை கைப்பற்றி பிரேத பரிசோதனைக்காக அரியலூர் அரசு ஆஸ்பத்திரிக்கு அனுப்பி வைத்தனர். மேலும் இது குறித்து வழக்குப்பதிவு செய்து விசாரணை மேற்கொண்டு வருகின்றனர்.