ஜல்லிக்கட்டுக்கு ஆதரவாக ஆர்ப்பாட்டம்

சிவகாசி,

ஜல்லிக்கட்டுக்கு ஆதரவாகவும் பீட்டாஅமைப்பினை தடை செய்திடக்கோரியும் விருதுநகர் மாவட்டத்தில் நேற்று பல்வேறு இடங்களில் ஆர்ப்பாட்டம் நடத்தப்பட்டது. சிவகாசியில் தமிழின இளைஞர்கள் மற்றும் மாணவர்கள் குழு சார்பில்நடந்த ஆர்ப்பாட்டத்தில் மத்திய மாநில அரசை கண்டித்தும் பீட்டா அமைப்பை எதிர்த்தும் கோ‌ஷம் எழுப்பினர். ஆர்ப்பாட்டத்தில் 250–க்கும் மேற்பட்டோர் கலந்து கொண்டனர். இதேபோன்று காரியாபட்டி பஸ் நிலையம் அருகேயும் நேற்று மாலை ஆர்ப்பாட்டம் நடந்தது.

ஸ்ரீவில்லிபுத்தூரில் நாம் தமிழர் இயக்கத்தினர் நடத்திய ஆர்ப்பாட்டத்தில் திரளான மாணவர்களும் வியாபாரிகளும் பொது மக்களும் கலந்து கொண்டனர்.