ரொக்கமில்லா பரிவர்த்தனையை ஊக்குவிக்க ‘ஸ்வைப் மெஷின்’ மீதான வாட் வரி ரத்து வரி சலுகைகள், வரி விதிப்பு பற்றிய முழு விவரம்

மராட்டிய பட்ஜெட்டில் அறிவிக்கப்பட்ட வரி சலுகைகள் மற்றும் வரி விதிப்பு பற்றிய விவரங்கள் வருமாறு:-

வாட் வரி

* 2016-17-ம் ஆண்டுக்கான கரும்பு கொள்முதல் வரி, விவசாயிகளுக்கு நியாயமான மற்றும் லாபகரமான விலை அளிக்க விலக்கு அளிக்கிறது. மேலும், 2015-16-ம் ஆண்டில் கரும்பு ஏற்றுமதி விலக்குக்கு விதிக்கப்பட்ட நிபந்தனைகள் நீக்கப்படுகின்றன.

* அரிசி, கோதுமை, பருப்பு வகைகள், மஞ்சள், மிளகாய், புளி, தேங்காய், கொத்தமல்லி விதைகள், வெந்தயம், அப்பளம் மற்றும் உலர் திராட்சை ஆகியவற்றின் மீதான மதிப்பு கூட்டு வரி (வாட்) விலக்கு நீடிக்கும்.

* சோலாப்பூரில் தயாரிக்கப்படும் பிரபல போர்வை மற்றும் துண்டுகளுக்கான மதிப்பு கூட்டு வரி விலக்கு நீடிக்கும்.

பால் கலப்பட கருவி

* விவசாயத்துக்காக மண்ணின் தன்மையை ஆராயும் பொருட்டு, அதற்கு பயன்படுத்தப்படும் உபகரணங்கள் மீதான மதிப்பு கூட்டு வரி முற்றிலும் நீக்கம்.

* பால் கலப்படத்தை கண்டறிவதற்கான கருவிகளுக்கு விதிக்கப்பட்ட மதிப்பு கூட்டு வரி 13.5 சதவீதம் விலக்கி கொள்ளப்படுகிறது.

* விமானங்களுக்கு பயன்படுத்தப்படும் எரிபொருட்களுக்கான மதிப்பு கூட்டு வரி 5 சதவீதத்தில் இருந்து 1 சதவீதமாக குறைப்பு.

ஸ்வைப் மெஷின்

* ரொக்கமில்லா பரிவர்த்தனையை ஊக்குவிக்க ‘ஸ்வைப் மெஷின்’ மீது விதிக்கப்பட்டு வரும் மதிப்பு கூட்டு வரி 13.5 சதவீதம் ரத்து செய்யப்படுகிறது.

* கியாஸ் மற்றும் மின்னணு எரிவாயு மீதான மதிப்பு கூட்டு வரி 13.5 சதவீதம் ரத்து செய்யப்படுகிறது.

* இனிப்பு சோளம் பதப்படுத்தும் தொழிற்சாலைகளுக்கு கடந்த 2005-ம் ஆண்டு ஏப்ரல் 1-ந் தேதி முதல் 2016-ம் ஆண்டு மார்ச் 31-ந் தேதி வரை மதிப்பு கூட்டு வரியில் விலக்கு.

* ஜவுளி நிறுவனங்களுக்கு கடந்த 2011-ம் ஆண்டு ஏப்ரல் 8-ந் தேதியில் இருந்து 2012-ம் ஆண்டு ஏப்ரல் 30-ந் தேதி வரை மதிப்பு கூட்டு வரியில் இருந்து விலக்கு. இதனால், சுமார் 200 யூனிட்டுகள் பயன்பெறும்.

* நூற்பாலைகளுக்கு கடந்த 2005-ம் ஆண்டு ஏப்ரல் 1-ந் தேதியில் இருந்து 2016-ம் ஆண்டு மார்ச் 31-ந் தேதி வரை மதிப்பு கூட்டு வரி நீக்கம். இதனால், சுமார் 300 யூனிட்டுகள் பயன்பெறும்.

ஜி.எஸ்.டி. வரி

* உள்நாட்டு மற்றும் வெளிநாட்டு மதுபானங்கள் மீதான மதிப்பு கூட்டு வரி 23.08 சதவீதத்தில் இருந்து 25.93 சதவீதமாக உயர்வு.

* வாராந்திர லாட்டரி சீட்டுகளுக்கான வரி ரூ.70 ஆயிரத்தில் இருந்து ரூ.1 லட்சமாக உயர்வு.

* ஜி.எஸ்.டி. (சரக்கு மற்றும் சேவை) வரியை நடைமுறைப்படுத்த மராட்டியம் தயாராக இருக்கிறது.

* கடந்த 2015-16-ம் ஆண்டின் வருவாய் வளர்ச்சி வீதமான 14 சதவீதத்தின் அடிப்படையில் ஜி.எஸ்.டி. இழப்பீடு நிர்ணயிக்கப்படும்.

நிர்வாக மாற்றங்கள்

* மராட்டிய விற்பனை வரி தீர்ப்பாயத்தில் புதிதாக 3 பெஞ்சுகள் ஏற்படுத்தப்படும்.

* தனியார் நிறுவன இயக்குனர்களிடம் இருந்து மதிப்பு கூட்டு வரி வசூலிக்கப்படும்.

* பல்வேறு சட்டத்திட்டங்களின்படி கோர்ட்டு கட்டணம், அபராதம் உள்ளிட்டவை ஆய்வு செய்யப்படும்.