பள்ளிகொண்டா அருகே வாகனம் மோதி டிரைவர் பலி நடைபயிற்சியில் ஈடுபட்டவருக்கு நேர்ந்த பரிதாபம்

அணைக்கட்டு,

பள்ளிகொண்டாவை அடுத்த வெட்டுவானம் எல்லையம்மன் கோவில் தெருவை சேர்ந்தவர் ராஜேந்திரன் (வயது 65), டிரைவர். நேற்று அதிகாலையில் ராஜேந்திரன் அந்த பகுதியில் நடைபயிற்சி மேற்கொண்டார். அப்போது ஆம்பூரில் இருந்து வேலூரை நோக்கி சென்ற அடையாளம் தெரியாத வாகனம் அவர் மீது மோதியது. இதில் ராஜேந்திரன் சம்பவ இடத்திலேயே பரிதாபமாக உயிரிழந்தார்.

இதுகுறித்து தகவல் அறிந்ததும் பள்ளிகொண்டா போலீசார் சம்பவ இடத்திற்கு சென்று, உடலை கைப்பற்றி பிரேத பரிசோதனைக்காக வேலூர் அடுக்கம்பாறை அரசு ஆஸ்பத்திரிக்கு அனுப்பி வைத்தனர். இந்த சம்பவம் குறித்து போலீசார் வழக்குப்பதிவு செய்து விசாரணை நடத்தி வருகின்றனர்.