எச்.ராஜாவை கண்டித்து காங்கிரஸ் கட்சியினர் ஆர்ப்பாட்டம்

திருவாரூர்,

ஆர்ப்பாட்டம்

பா.ஜனதா தேசிய செயலாளர் எச்.ராஜா, காங்கிரஸ் கட்சி தலைவர் சோனியாகாந்தியை பற்றி அவதூறாக பேசியதாக எதிர்ப்பு தெரிவித்து காங்கிரஸ் கட்சி சார்பில் தமிழகம் முழுவதும் அவரது உருவ பொம்மை எரிப்பு உள்பட பல்வேறு போராட்டங்கள் நடைபெற்று வருகிறது. இதன் தொடர்ச்சியாக திருவாரூர் பஸ் நிலையம் அருகில் காங்கிரஸ் கட்சி சார்பில் ஆர்ப்பாட்டம் நேற்று நடந்தது.

ஆர்ப்பாட்டத்திற்கு கட்சியின் மாவட்ட தலைவர் துரைவேலன் தலைமை தாங்கினார். நகர தலைவர் மடப்புரம்சம்பத் முன்னிலை வகித்தார். இதில் மாவட்ட பொதுச்செயலாளர்கள் ராஜேந்திரன், பாலாஜி, சுகுமார், நகர தலைவர்கள் எழிலரசன், சாம்பசிவம், மாணவர் காங்கிரஸ் மாநில நிர்வாகி ராஜா, நாகை பாராளுமன்ற தொகுதி இளைஞர் காங்கிரஸ் செயல் தலைவர் ரமேஷ், திருவாரூர் சட்டமன்ற தொகுதி தலைவர் பாஸ்கர் உள்பட பலர் கலந்து கொண்டனர். ஆர்ப்பாட்டத்தில்எச்.ராஜாவை கண்டித்து கோஷங்கள் எழுப்பப்பட்டன.