கல்பாக்கம் அருகே மணல் கடத்திய 6 பேர் கைது

கல்பாக்கம்

கல்பாக்கத்தை அடுத்த பாலாற்றில் அனுமதியின்றி சிலர் மாட்டுவண்டிகளில் மணல் கடத்தி வருவதாக சதுரங்கப்பட்டினம் போலீசாருக்கு தகவல் கிடைத்தது. அதன்பேரில் போலீஸ் சப்–இன்ஸ்பெக்டர் விஜயகுமார் மற்றும் போலீசார் நேற்று காலை வாயலூர் பாலாற்றில் வாகன சோதனையில் ஈடுபட்டனர். அப்போது அந்த வழியாக மணல் ஏற்றி வந்த மாட்டுவண்டிகளை தடுத்து சோதனையிட்டனர்.

இதையடுத்து அனுமதியின்றி மணல் கடத்தியதாக இளையனார்குப்பம், வாயலூர், வசுவசமுத்திரம் கிராமங்களை சேர்ந்த ரங்கநாதன் (47) சிட்டிபாபு (50) மற்றொரு ரங்கநாதன் (43) அஜித் (18) மணி (55) ராஜி (37) ஆகியோரை கைது செய்த போலீசார் 6 மாட்டு வண்டிகளையும் பறிமுதல் செய்தனர்.