<
மெரின்டிரைவில் ரூ.5 லட்சம் போதைப்பொருள் பறிமுதல் 4 பேர் கைது
மெரின்டிரைவில் ரூ.5 லட்சம் போதைப்பொருள் பறிமுதல் செய்யப்பட்டது. இது தொடர்பாக 4 பேர் கைது செய்யப்பட்டனர்.
மும்பை,
மும்பை மெரின்டிரைவ் பகுதியில் சிலர் போதைப்பொருளுடன் வருவதாக போலீசாருக்கு ரகசிய தகவல் கிடைத்தது. அதன்பேரில் போலீசார் குறிப்பிட்ட இடத்திற்கு சென்று தீவிரமாக கண்காணித்தனர். அப்போது அங்கு சந்தேகத்திற்கிடமாக நின்று கொண்டிருந்த 4 பேரை போலீசார் பிடித்து சோதனை நடத்தினர்.
இந்த சோதனையின் போது அவர்கள் எம்.டி. எனப்படும் போதைப்பொருள் வைத்திருந்ததை கண்டுபிடித்து அவற்றை பறிமுதல் செய்தனர். பறிமுதல் செய்யப்பட்ட போதைப்பொருள் 47 கிராம் எடை கொண்டதாக இருந்தது. இதன் மதிப்பு ரூ.5 லட்சம் ஆகும்.
4 பேர் கைது
இதையடுத்து போலீசார் 4 பேரையும் அதிரடியாக கைது செய்தனர். விசாரணையில் அவர்களது பெயர் அப்துல் ரகுமான், முகமது பாபு, ஜாகிர் சாரங்க், முகமது சேக் ஆகியோர் என்பது தெரியவந்தது.
இவர்கள் போதைப்பொருளை எங்கிருந்து கொண்டு வந்தனர்? விற்பனை செய்யும் நோக்கத்தில் வந்தனரா? என்பது குறித்து போலீசார் விசாரணை மேற்கொண்டு வருகின்றனர். மேலும் 4 பேர் மீதும் போலீசார் வழக்குப்பதிவு செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
