கல்லூரி மாணவிக்கு தொல்லை கொடுத்ததை தட்டிகேட்ட விவசாயிக்கு கத்திக்குத்து வாலிபர் கைது

வேதாரண்யம்,

இதில் தொடர்புடைய வாலிபரை போலீசார் கைது செய்தனர். மேலும் 2 பேரை வலைவீசி தேடிவருகின்றனர்.

விவசாயிக்கு கத்திக்குத்து

வேதாரண்யம் அருகே உள்ள புஷ்பவனத்தை சேர்ந்தவர் செந்தில் (வயது38). விவசாயி. இவருடைய தம்பி ராஜேந்திரன். இவரது மனைவி ஜெய்சூர்யா. இவர் வேதாரண்யம் அரசு கல்லூரியில் படித்து வருகிறார். அதே கல்லூரியில் நாலுவேதபதி பகுதியை சேர்ந்த விக்னேஷ் என்பவரும் படித்து வருகிறார். இவர் பஸ்சில் செல்லும் ஜெய்சூர்யாவுக்கு தொல்லை கொடுத்து வந்ததாக கூறப்படுகிறது. இதனை தட்டிகேட்ட செந்தில், விக்னேசை கண்டித்துள்ளார். இதனால் ஆத்திரமடைந்த விக்னேஷ், செந்திலை கத்தியால் குத்தினார்.

 மேலும் விக்னேசுடன் வந்த நாலுவேதபதியை சேர்ந்த கனகராஜ்(25), செல்வராஜ் ஆகிய 2 பேரும் கம்பியால் செந்திலை தாக்கினர். இதில் படுகாயமடைந்த அவரை அக்கம்பக்கத்தினர் மீட்டு வேதாரண்யம் அரசு மருத்துவமனையில் சிகிச்சைக்காக சேர்த்தனர். அவர் அங்கு சிகிச்சை பெற்று வருகிறார். இதுகுறித்த புகாரின் பேரில் வேதாரண்யம் போலீஸ் சப்-இன்ஸ்பெக்டர்கள் தேவபாலன், ரோஸ்லின் ஆகியோர் வழக்குப்பதிவு செய்து கனகராஜை கைது செய்து விசாரணை நடத்தி வருகின்றனர். மேலும் தலைமறைவாக உள்ள 2 பேரை போலீசார் வலைவீசி தேடிவருகின்றனர்.