விசித்திர நோயால் சிறுவனைப் போல தோன்றும் இளைஞர்!

குரோசியா நாட்டின் ஜாக்ரெப் பகுதியில் வசித்துவரும் அந்த இளைஞரின் பெயர், டொமிஸ்லாவ் ஜுர்செக். பிட்யூட்டரி சுரப்பியில் ஏற்பட்ட கோளாறு காரணமாக, இவர் ஒரு 10 வயது பையன் தோற்றத்திலேயே நீடித்து வரு கிறார்.
ஆனால் தனது இந்த நிலை குறித்து வருத்தம் அடையாமல், ஒரு வரமாகக் கருதுவதாகவே கூறுகிறார், ஜுர்செக். இந்தத் தோற்றத்தின் காரணமாகவே இவருக்கு உலகப் புகழ்பெற்ற தொலைக் காட்சித் தொடர்களில் நடிப்பதற்கான அழைப்புகள் வந்தவண்ணம் இருக்கிறதாம்.

தவிர, புகைப் பழக்கம் கொண்ட ஜுர்செக், பையனைப் போலத் தோன்றுவதால் கடைகளில் சிகரெட் வாங்குவதைத் தவிர்க்க வேண்டியிருக்கிறது என்கிறார்.

அதேபோல, மதுபான விடுதிக்கு நண்பருடன் சென்றாலும் நண்பருக்கு பொதுமக்களின் திட்டு விழுகிறதாம். எப்படி ஒரு சிறுவனை மதுபான விடுதிக்கு அழைத்துவரலாம் என்று அக்கறை கலந்த கோபத்துடன் கேட் கிறார்களாம்.

தற்போது, பிரபலமான ‘கேம் ஆப் துரோன்ஸ்’ தொடரில் நடித்துவரும் ஜுர்செக், ‘ஹீரோ கார்ப்ஸ் சைல்டு’ என்ற மற்றொரு பிரசித்தி பெற்ற தொடரிலும் நடித்துள்ளார்.