அடிப்படை வசதிகள் இல்லாததால் கிராமத்தை விட்டு வெளியேறும் ஆதிவாசி மக்கள்

மேலும் இப்பகுதியல் உள்ள படித்த இளைஞர்களுக்கு வேலை வாய்ப்பு அளிப்பதாக கூறினார்கள். இதுவும் நடைமுறைக்கு வரவில்லை. சுல்தானா கிராமத்தில் இருந்து தான் மூப்பர்காடு கிராமத்திற்கு குழாய் குழாய் மூலம் குடிநீர் வருகிறது. இதனை காடடுயானைகள் உடைத்து சேதப்படுத்தி வருவதால் அடிக்கடி குடிநீர் வருவதில்லை. இந்த பிரச்சினைக்கு நிரத்தர தீர்வு காணப்படவில்லை.

இவ்வாறு அவர் கூறினார்.

இது குறித்து முப்பர்காடு கிராமத்தை சேர்ந்த பெருமாள் கூறியதாவது:–

மூப்பர்காடு கிராமத்தில் உள்ள வீடுகளின் மேற்கூரைகள் ஓடுகளால் ஆனது. இதற்காக அமைக்கப் பட்ட மரங்களை கரையான்கள் அரித்து விட்டன. இதனால் ஓடுகள் விழுந்து விடுகிறது. இதனை சீரமைத்து கொடுக்க வில்லை. மேலும் அந்த வீடுகளில் குடியிருக்க முடிவது இல்லை. இதனால் வீட்டின் மேற்கூரைகளை இரும்பு கம்பிகள் மூலம் சிமெண்டு சீட்டு மேற்கூரை அமைத்து தரக்கோரி பலமுறை சம்பந்தப்பட்ட துறைக்கு தெரிவித்தும் எந்தவித நடவடிக்கை எடுக்கவில்லை. தனி நபர் இல்ல கழிப்பிடம் கட்ட குடியிருப்புகளுக்கு முன்பு குழிகள் தோண்டப்பட்டன. அதன்பிறகு பணிகள் நடைபெறவில்லை. குழிகள் அப்படியே கிடப்பதால் குழந்தைகள் தவறி விழுந்து விடுகிறார்கள்.