அந்தேரியில் நடிகையை மானபங்கம் செய்தவர் கைது

மும்பை,

அந்தேரியில் நடிகையை மானபங்கம் செய்தவர் கைது செய்யப்பட்டார்.

நடிகை

மும்பை அந்தேரி மேற்கு பகுதியில் 20 வயது நடிகை ஒருவர் வசித்து வருகிறார். கடந்த மூன்று ஆண்டுகளுக்கு முன் திரைப்பட விழா ஒன்றில் நடிகைக்கு சத்தியேந்திரநாத் சர்மா (வயது28) என்ற வாலிபர் அறிமுகமானார். பின்னர் இருவரும் நட்புடன் பழகி வந்தனர்.

இந்தநிலையில், சத்தியேந்திரநாத் சர்மா தவறான நோக்கத்துடன் பழகுவதாக நடிகையின் தோழிகள் தெரிவித்தனர். இதைக்கேட்டு அதிர்ச்சி அடைந்த நடிகை, சத்தியேந்திரநாத் சர்மா உடனான நட்பை துண்டித்தார். தன்னுடன் பேசக் கூடாது என்று அவரிடம் கூறிவிட்டார்.

மானபங்கம்

இந்தநிலையில், சம்பவத்தன்று நடிகை தனது வீட்டருகே நடந்து சென்று கொண்டிருந்த போது, சத்தியேந்திரநாத் சர்மா அவரை வழிமறித்தார். திடீரென அவர் அங்கு நிறுத்தி வைக்கப்பட்டிருந்த ஆட்டோவிற்குள் தள்ளி நடிகையை மானபங்கம் செய்தார்.

இதனால் அதிர்ச்சி அடைந்த நடிகை அவரிடம் இருந்து தப்பி ஓஷிவாரா போலீஸ் நிலையம் சென்று புகார் கொடுத்தார். அதன்பேரில் போலீசார் வழக்குப்பதிவு செய்து, சத்தியேந்திரநாத் சர்மாவை கைது செய்தனர். பின்னர் அவர் கோர்ட்டில் ஆஜர்படுத்தப்பட்டு போலீஸ் காவலில் ஒப்படைக்கப்பட்டார்.