வேப்பந்தட்டை அருகே மின்சாரம் தாக்கி விவசாயி பலி

வேப்பந்தட்டை,

பெரம்பலூர் மாவட்டம் வேப்பந்தட்டையை அடுத்துள்ள அயன்பேரையூரை சேர்ந்தவர் கண்ணப்பன்(வயது 74). விவசாயி. இவர் ஊருக்கு அருகாமையிலுள்ள தனது வயலில் ஆட்டுப்பட்டி அமைத்து ஆடு வளர்த்து வந்தார். கண்ணப்பன் இரவு நேரத்தில் ஆடுகளுக்கு காவலாக ஆட்டுப்பட்டியில் கட்டில் போட்டு படுத்துக்கொள்வது வழக்கம். அதேபோல் நேற்று முன்தினம் இரவு வீட்டிலிருந்து ஆட்டுப்பட்டிக்கு காவலுக்கு சென்றுள்ளார். அப்போது அதே ஊரை சேர்ந்த முத்துக்கண்ணு (51) என்பவர் வயலின் குறுக்கே செல்லும்போது வயலில் அறுந்து கிடந்த மின் கம்பியை கண்ணப்பன் எதிர்பாராதவிதமாக மிதித்துள்ளார். இதில் மின்சாரம் தாக்கி சம்பவ இடத்திலேயே கண்ணப்பன் பரிதாபமாக இறந்தார். இந்நிலையில் நேற்று காலை அந்த வழியாக சென்றவர்கள் கண்ணப்பன் இறந்து கிடப்பதை கண்டு அதிர்ச்சியடைந்து வி.களத்தூர் போலீசாருக்கு தகவல் கொடுத்துள்ளனர். தகவலறிந்து சம்பவ இடத்திற்கு விரைந்து வந்த போலீசார் கண்ணப்பனின் உடலை கைப்பற்றி பிரேத பரிசோதனைக்காக பெரம்பலூர் அரசு மருத்துவமனைக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.