திண்டுக்கல்லில் சுதந்திர தினவிழா: ரூ.86 லட்சம் மதிப்பிலான நலத்திட்ட உதவிகள் கலெக்டர் வழங்கினார்

இறுதியில் திண்டுக்கல் அரசு பெண்கள் மேல்நிலைப்பள்ளி, அண்ணாமலையார் பெண்கள் மேல்நிலைப்பள்ளி, புனித லூர்தன்னை மேல்நிலைப்பள்ளி, பண்ணை மெட்ரிக் பள்ளி, புனித வளனார் மேல்நிலைப்பள்ளி ஆகிய 5 பள்ளிகளை சேர்ந்த மாணவ, மாணவிகளின் கண்கவர் கலைநிகழ்ச்சிகள் நடந்தன. தேசபக்தி, தேசிய ஒருமைப்பாடு, நாட்டுப்புறக்கலைகளை விளக்கும் வகையில் கலைநிகழ்ச்சிகள் இருந்தன. இதில் பங்கேற்ற பள்ளிகளுக்கு நினைவு பரிசு வழங்கப்பட்டது.

இந்த விழாவில் திண்டுக்கல் சரக போலீஸ் டி.ஐ.ஜி. கார்த்திகேயன், போலீஸ் சூப்பிரண்டு சக்திவேல், மாவட்ட வருவாய் அலுவலர் வேலு மற்றும் அனைத்து துறை அலுவலர்கள் உள்பட பலர் கலந்து கொண்டனர்.

திண்டுக்கல் ஒருங்கிணைந்த நீதிமன்ற வளாகத்தில் நடந்த சுதந்திர தினவிழாவுக்கு மாவட்ட முதன்மை நீதிபதி முரளிசங்கர் தலைமை தாங்கி, தேசியகொடியை ஏற்றினார். இதில் கூடுதல் மாவட்ட நீதிபதி உமாமகேஸ்வரி, மகளிர் நீதிமன்ற நீதிபதி கருணாநிதி, ஓசூர் கூடுதல் மாவட்ட நீதிபதி அசோகன் உள்பட நீதிபதிகள், வக்கீல்கள் கலந்து கொண்டனர்.

அதேபோல் திண்டுக்கல் மாநகராட்சியில் சுதந்திர தினவிழா கொண்டாடப்பட்டது. இதில் நகரமைப்பு அலுவலர் கோபாலகிருஷ்ணன் தேசிய கொடியை ஏற்றி மரியாதை செலுத்தினார். நகர்நல அலுவலர் அனிதா, பொறியாளர் கணேசன் மற்றும் அலுவலர்கள், பணியாளர்கள், முன்னாள் கவுன்சிலர்கள் கலந்து கொண்டனர்.

தமிழ்நாடு அரசு போக்குவரத்து கழகத்தின் திண்டுக்கல் மண்டல அலுவலகத்தில் நடந்த சுதந்திர தின விழாவில், பொதுமேலாளர் தனுஷ்கோடி ராமலிங்கம் தேசிய கொடியை ஏற்றினார். நிகழ்ச்சியில் 12 டிரைவர்கள், 12 கண்டக்டர்கள் மற்றும் பணியாளர்கள், பிளஸ்–2, எஸ்.எஸ்.எல்.சி. பொதுத்தேர்வில் முதல் 3 இடங்களை பிடித்த மாணவ, மாணவிகளுக்கு பரிசுகளை வழங்கினார். மேலும் பதவி உயர்வு மற்றும் பணி நிரந்தரம் பெற்ற 47 பேருக்கு அதற்கான ஆணைகளை வழங்கினார். இதில் துணை மேலாளர் கணேசன், கோட்ட மேலாளர்கள் கோபாலகிருஷ்ணன், பாண்டியராஜன், மற்றும் உதவி மேலாளர்கள், பணியாளர்கள் உள்பட பலர் கலந்து கொண்டனர்.