கல்பாக்கம் அருகே மோட்டார் சைக்கிள் கவிழ்ந்து வாலிபர் பலி

கல்பாக்கம்,

கல்பாக்கத்தை அடுத்த வல்லிபுரம் கிராமத்தை சேர்ந்தவர் ராஜ் (வயது 32). இவருக்கு மனைவியும் ஒரு பெண் குழந்தையும் உள்ளனர். இவர் கல்குளம் கிராமத்தில் சாமியானா பந்தல் கடை நடத்தி வந்தார். கடந்த 27–ந்தேதி இரவு கடையை பூட்டிவிட்டு தனது மோட்டார்சைக்கிளில் வீட்டுக்கு சென்று கொண்டிருந்தார். நெல்வாய் கிராமம் வந்தபோது சாலையில் இருந்த பள்ளத்தில் எதிர்பாராதவிதமாக அவரது மோட்டார் சைக்கிள் கவிழ்ந்தது. இதில் படுகாயம் அடைந்த அவரை அருகில் இருந்தவர்கள் மீட்டு செங்கல்பட்டு அரசு ஆஸ்பத்திரிக்கு கொண்டு சென்றனர்.

பின்னர்மேல் சிகிச்சைக்காக அவரை சென்னை அரசு ஆஸ்பத்திரியில் சேர்த்தனர் அங்கு சிகிச்சை பலனின்றி ராஜ் நேற்று காலை உயிரிழந்தார். இந்த விபத்து குறித்து அணைக்கட்டு போலீஸ் சப்–இன்ஸ்பெக்டர் கிருஷ்ணமூர்த்தி வழக்குப்பதிவு செய்து விசாரித்து வருகிறார்.