தென்னை மரத்தில் மொபட் மோதி வாலிபர் பலி

நார்த்தாமலை,

புதுக்கோட்டை மாவட்டம், நார்த்தாமலை அருகே உள்ள மேலமுத்துக்காடு காலனி பகுதியை சேர்ந்தவர் மதிசெல்வம் (வயது24). இந்நிலையில் நேற்று சொந்தவேலை நிமித்தமாக மேலமுத்துக்காடு காலனியில் இருந்து தனது மொபட்டில் காவிரி நகருக்கு சென்றார். பின்னர் அதே மொபட்டில் வீட்டிற்கு சென்று கொண்டிருந்தார். அப்போது நார்த்தாமலை காவிரிநகர் அருகே சென்று கொண்டிருந்தபோது, கட்டுப்பாட்டை இழந்த மொபட் சாலையோரத்தில் இருந்த தென்னை மரத்தில் பயங்கரமாக மோதியது.

பலி

இதில் மோட்டார் சைக்கிளில் இருந்து தூக்கி வீசப்பட்ட மதிசெல்வம் சம்பவ இடத்திலேயே பரிதாபமாக இறந்தார். இதைக்கண்ட அந்த வழியா சென்றவர்கள் வெள்ளனூர் போலீசாருக்கு தகவல் தெரிவித்தனர். தகவலின்பேரில் போலீஸ் சப்-இன்ஸ்பெக்டர் பூரண லெட்சுமி தலைமையிலான போலீசார் சம்பவ இடத்திற்கு சென்றனர். பின்னர் மதிசெல்வத்தின் உடலை மீட்டு பிரேத பரிசோதனைக்காக புதுக்கோட்டை அரசு மருத்துவ கல்லூரி மருத்துவமனைக்கு அனுப்பி வைத்தனர். இந்த விபத்து குறித்து வெள்ளனூர் போலீசார் வழக்குப்பதிவு செய்து விசாரணை நடத்தி வருகின்றனர்.