நெல்லை சந்திப்பு ஈரடுக்கு மேம்பாலத்தில் பஸ் மோதி எலக்ட்ரீசியன் பலி

நெல்லை,

நெல்லை சந்திப்பு ஈரடுக்கு மேம்பாலத்தில் பஸ் மோதி எலக்ட்ரீசியன் பரிதாபமாக இறந்தார்.

எலக்ட்ரீசியன்

நெல்லை பேட்டை எம்.என்.பி. தெற்கு தெருவை சேர்ந்தவர் திவான் தர்வேஸ் முகைதீன் (வயது 38) எலக்ட்ரீசியன். இவர் நேற்று காலை வேலை சம்பந்தமாக தனது மோட்டார் சைக்கிளில் நெல்லை சந்திப்பை நோக்கி வந்து கொண்டு இருந்தார்.

நெல்லை சந்திப்பு ஈரடுக்கு மேம்பாலத்தின் சென்று கொண்டு இருந்தார். பின்னால் வந்த லோடு ஆட்டோ, மோட்டார் சைக்கிள் மீது மோதியது. இதில் திவான் தர்வேஸ் முகைதீன் நிலைதடுமாறி கீழே விழுந்தார். அந்த சமயத்தில் நெல்லை டவுனில் இருந்து சந்திப்பு நோக்கி வந்த ஒரு தனியார் பஸ் அவர் மீது மோதியது.

சாவு

இதில் படுகாயம் அடைந்த திவான் தர்வேஸ் முகைதீன் சம்பவ இடத்திலேயே பரிதாபமாக இறந்தார். தகவல் அறிந்த நெல்லை மாநகர போக்குவரத்து புலனாய்வு பிரிவு போலீஸ் இன்ஸ்பெக்டர் (பொறுப்பு) பாபுனி மற்றும் போலீசார் சம்பவ இடத்துக்கு விரைந்து சென்றனர். அவர்கள் திவான் தர்வேஸ் முகைதீன் உடலை மீட்டு பரிசோதனைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு கொண்டு சென்றனர்.

இதுகுறித்து நெல்லை மாநகர போக்குவரத்து புலனாய்வு பிரிவு போலீசார் வழக்குப்பதிவு செய்து விசாரணை நடத்தி வருகின்றனர். இதுதொடர்பாக ஆட்டோ டிரைவர், பஸ் டிரைவரிடம் போலீசார் தொடர்ந்து விசாரணை நடத்தி வருகின்றனர்.

இந்த விபத்தால் ஈரடுக்கு மேம்பாலம் பகுதியில் சிறிது நேரம் போக்குவரத்து பாதிக்கப்பட்டது.