கிராம நிர்வாக அலுவலர்கள் கவன ஈர்ப்பு ஆர்ப்பாட்டம்

திருப்பரங்குன்றம்,

திருப்பரங்குன்றம் தாலுகாவில் பணிபுரியும் கிராம நிர்வாக அலுவலர்கள் நேற்று திருநகரில் உள்ள தாலுகா அலுவலகத்தின் முன்பு கோரிக்கைகளை வலியுறுத்தி கவன ஈர்ப்பு ஆர்ப்பாட்டத்தில் ஈடுபட்டனர். இதில் 20–க்கும் மேற்பட்ட கிராம நிர்வாக அலுவலர்கள் கலந்து கொண்டனர். இதில் ஆன்லைன் சான்றுகள் பரிந்துரை செய்ய மடிகணினி உள்பட உபகரணங்கள் வழங்குதல், கூடுதல் பொறுப்பு வகிக்கும் கிராம நிர்வாக அலுவலர்களுக்கு பொறுப்பூதியம் வழங்குவது, 7–வது ஊதியக் குழு முரண்பாடுகளை களைதல் உள்பட பல்வேறு கோரிக்கைகள் வலியுறுத்தப்பட்டது.