உயர் அதிகாரி போல் கையெழுத்து போட்டு முறைகேடு அரசு ஊழியர் பணி இடைநீக்கம்

பெங்களூரு,

சுரேஷ் மீது துறை ரீதியிலான விசாரணைக்கு நிர்வாக பிரிவு இணை இயக்குனர் காட்யாயிணி ஆல்வா உத்தரவிட்டார். விசாரணையில் அவர் உயர்அதிகாரிகள் போல் கையெழுத்து போட்டு போலி ஆவணங்கள் மூலம் முறைகேட்டில் ஈடுபட்டது தெரியவந்தது.

இந்த நிலையில் சமீபத்தில் அரசிடம் இருந்து விசாரணை அதிகாரிக்கு, காட்யாயிணியின் பெயரில் ஒரு உத்தரவு வந்தது. அதில், ‘சுரேஷ் மீது நடவடிக்கை எதுவும் எடுக்கவேண்டாம். அவர் அந்த பணியிலேயே தொடரட்டும்’ என கூறப்பட்டு இருந்தது. இதனால் சந்தேகம் அடைந்த விசாரணை அதிகாரி, காட்யாயிணியிடம் உத்தரவு குறித்து விசாரித்தார். அப்போது, அவர் எந்த உத்தரவையும் வழங்கவில்லை எனவும், சுரேஷ் தான் அவருடைய கையெழுத்தை போலியாக போட்டு முறைகேட்டில் ஈடுபட்டதும் தெரியவந்தது.

இதனால் அதிர்ச்சி அடைந்த இணை இயக்குனர் காட்யாயிணி, சுரேசை பணி இடைநீக்கம் செய்து உத்தரவிட்டார். மேலும், அவர் போலியாக கையெழுத்து போட்டு முறைகேட்டில் ஈடுபட்டது குறித்து அல்சூர் கேட் போலீசில் புகார் செய்யப்பட்டுள்ளது. போலீசார் விசாரணை நடத்தி வருகிறார்கள்.