கந்துவட்டி கொடுமை: பெண் தற்கொலை முயற்சி; தம்பதி உள்பட 5 பேர் கைது

மதுரை,

மதுரை செல்லூர் மேலத்தோப்பு பகுதியை சேர்ந்த கணேசன் மனைவி ஜோதிசெல்வி(வயது 29). இவர் அதே பகுதியை சேர்ந்த தங்கபாண்டி(36) என்பவரிடம் வட்டிக்கு கடன் வாங்கியிருந்தார். கடந்த சில மாதங்களாக வட்டியை அவர் செலுத்தவில்லை. எனவே தங்கபாண்டி, அவரது மனைவி சித்ரா(31) ஆகியோர் உறவினர்களுடன், ஜோதிசெல்வி வீட்டிற்கு வந்து அவரை தகாத வார்த்தைகளால் திட்டி, கொலை மிரட்டல் விடுத்தனர். இதனால் மனவருத்தம் அடைந்த அவர் வி‌ஷம் குடித்து உயிருக்கு போராடிக் கொண்டிருந்தார். அருகில் இருந்தவர்கள் ஜோதிசெல்வியை மீட்டு சிகிச்சைக்காக மதுரை அரசு ஆஸ்பத்திரியில் சேர்த்தனர். இதுகுறித்து செல்லூர் போலீசார் கந்த வட்டி சட்டத்தின் கீழ் வழக்குப்பதிவு செய்து தங்கபாண்டி, அவரது மனைவி சித்ரா உள்பட 5 பேரை கைது செய்தனர்.