குப்பை கழிவுகளாக இருக்கும் குளங்களை சீரமைக்க வேண்டும்

படப்பை,

காஞ்சீபுரம் மாவட்டம் சோமங்கலம் அடுத்த காட்ரம்பாக்கம் ஊராட்சியில் உள்ள மேட்டுத்தெரு பகுதியில் அருகருகே 2 பெரிய குளங்கள் உள்ளது. தற்போது இந்த குளங்கள் பாசிகள் படர்ந்து குப்பைகளுடன் புதர் மண்டி காணப்படுகிறது. இதனால் இந்த பகுதியில் நிலத்தடிநீர் பாதிக்கப்பட்டுள்ளது.

மேலும் பொதுமக்களுக்கு தொற்றுநோய்கள் ஏற்படும் நிலை உள்ளது. இங்கு உள்ள இந்த பழமையான குளங்களின் கரையை பலப்படுத்தி சுற்றியுள்ள குப்பைக்கழிவுகளை அகற்றி சீரமைத்தால் இந்த பகுதியில் நிலத்தடி நீர் உயர்ந்து குடியிருக்கும் பொதுமக்கள் தண்ணீர் தட்டுப்பாடின்றி வாழமுடியும்.

எனவே குளத்தில் குப்பை கழிவுகளை கொட்டாமலும் அங்கு பாசிகளையும் புதர்களையும் அகற்றி குளத்தை பாதுகாக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

மேற்கண்ட பகுதிகளில் குப்பை கொட்டுவதற்கு குப்பை தொட்டிகள் அமைத்து தரவும், அங்கு குவிந்துள்ள குப்பைகளை அகற்றி நடவடிக்கை எடுக்க வேண்டும் என்று இந்த பகுதி பொதுமக்கள் கோரிக்கை விடுத்துள்ளனர்.