இ.எஸ்.ஐ. கல்லூரியில் பேராசிரியர் பணி

தற்போது பல்வேறு இ.எஸ்.ஐ. மருத்துவமனை கல்லூரிகளில் பேராசிரியர், உதவி பேராசிரியர், இணை பேராசிரியர் போன்ற பணியிடங்களை நிரப்ப விண்ணப்பம் கோரப்பட்டுள்ளது. மொத்தம் 186 பேர் தேர்வு செய்யப்படுகிறார்கள்.

ஐதராபாத், கர்நாடகா, டெல்லி, அரியானா, பெங்களூரு, கொல்கத்தா போன்ற இடங்களில் உள்ள இ.எஸ்.ஐ. மருத்துவமனைகளில் இந்த பணியிடங்கள் உள்ளன. ஒவ்வொரு கிளையிலும், ஒவ்வொரு பணிக்கும் உள்ள காலியிடங்கள் விவரத்தை முழுமையான விளம்பர அறிவிப்பில் பார்க்கலாம்.

இந்த பணிகளுக்கு கடந்த ஆண்டில் தனித்தனியே அறிவிப்புகள் வெளியாகி இருந்தன. தற்போது ஒருங்கிணைக்கப்பட்ட, புதிய அறிவிப்பு வெளியாகி உள்ளது. அப்போது விண்ணப்பித்தவர்கள் இந்த பணிகளுக்கு மீண்டும் விண்ணப்பிக்க வேண்டிய அவசியமில்லை. ஆனால் விண்ணப்பிக்காதவர்கள் இந்த வாய்ப்பை பயன்படுத்தி விண்ணப்பிக்கலாம். வயது வரம்பு, கல்வித்தகுதி உள்ளிட்ட தகுதிகளில் எந்த மாற்றமும் செய்யப்படவில்லை. எம்.டி., எம்.எஸ்., எம்.டி.எஸ். போன்ற முதுநிலை மருத்துவ படிப்புகள், முதுநிலை டிப்ளமோ படிப்பு படித்தவர்களுக்கு வாய்ப்புள்ளது.

விருப்பமுள்ளவர்கள் அந்தந்த பணிக்கான தகுதி விவரங்களை முழுமையான விளம்பர அறிவிப்பில் பார்த்துவிட்டு விண்ணப்பிக்கலாம். இணையதள விண்ணப்பம் சமர்ப்பிக்க கடைசிநாள் 2-4-2018-ந் தேதியாகும். விண்ணப்பிக்கவும், விரிவான விவரங்களை தெரிந்து கொள்ளவும் www.esic.nic.in/recruitment என்ற இணையதளத்தில் பார்க்கவும்.