<
தமிழ்நாடு மருந்து வணிகர்கள் சங்கத்தின் கடையடைப்பு போராட்டம் ஒத்திவைப்பு
காவிரி மேலாண்மை வாரியம் அமைக்க தவறிய மத்திய அரசை கண்டித்து வருகிற 2-ந் தேதி நடக்க இருந்த கடையடைப்பு போராட்டத்தை தமிழ்நாடு மருந்து வணிகர்கள் சங்கம் ஒத்திவைத்தது.
காஞ்சீபுரம்,
காஞ்சீபுரம் நெல்லுக்காரத்தெருவில் தமிழ்நாடு மருந்து வணிகர்கள் சங்கங்களின் அவசர ஆலோசனை கூட்டம் நடந்தது. இந்த கூட்டத்திற்கு காஞ்சீ- செங்கை மாவட்ட மருத்துவ வணிக சங்க தலைவர் வெங்கடேசன் தலைமை தாங்கினார்.
இதில் தமிழ்நாடு மருந்து வணிகர்கள் சங்க மாநில தலைவர் ராமச்சந்திரன் கலந்துகொண்டு பேசினார். அப்போது அவர் கூறியதாவது:-
ஒத்திவைப்பு
உச்ச நீதிமன்றம் அளித்த தீர்ப்பின்படி குறிப்பிட்ட கால கெடுவுக்குள் காவிரி மேலாண்மை வாரியம் அமைக்க தவறிய மத்திய அரசை தமிழக மருந்து வணிகர்கள் சங்கம் வன்மையாக கண்டிக்கிறது. மத்திய அரசின் இந்த செயலை கண்டித்து வருகிற 2-ந்தேதி கடையடைப்பு போராட்டம் நடைபெறுவதாக அறிவிக்கப்பட்டு இருந்தது.
வணிகர்கள் சங்கங்களின் கோரிக்கையை ஏற்று தற்போது இந்த போராட்டம் ஒத்திவைக்கப்படுகிறது. மேலும் அனைத்து கட்சிகள், விவசாய சங்கங்கள், வணிகர் சங்க பிரதிநிதிகளிடம் கலந்து பேசி கடையடைப்பு போராட்டம் நடத்தும் தேதி பின்னர் அறிவிக்கப்படும்.
இவ்வாறு அவர் கூறினார்.
கூட்டத்தில் சங்கத்தின் மாவட்ட செயலாளர் ராஜா, மண்டல செயலாளர் மூர்த்தி, நிர்வாக செயலாளர் சுந்தரமூர்த்தி, மொத்த வணிக பிரிவு செயலாளர் சத்தியமூர்த்தி மற்றும் நிர்வாகிகள் கலந்துகொண்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
