மாவட்ட செய்திகள்

நவல்பட்டில் நாளை ஜல்லிக்கட்டு முன்னேற்பாடு பணிகள் தீவிரம் + "||" + Jallikattu preparation activities are intense

நவல்பட்டில் நாளை ஜல்லிக்கட்டு முன்னேற்பாடு பணிகள் தீவிரம்

நவல்பட்டில் நாளை ஜல்லிக்கட்டு
முன்னேற்பாடு பணிகள் தீவிரம்
நவல்பட்டில் நாளை ஜல்லிக்கட்டு நடைபெற இருப்பதையொட்டி முன்னேற்பாடு பணிகள் தீவிரமாக நடந்து வருகிறது.
திருவெறும்பூர்,

தமிழர்களின் பாரம்பரிய விளையாட்டுகளுள் ஒன்றான ஜல்லிக்கட்டு போட்டி திருவெறும்பூர் அருகே உள்ள நவல்பட்டு கிராமத்தில் கிராம வழக்கப்படி நவல்பட்டு நவலிக்குளத்தில் நாளை (ஞாயிற்றுக்கிழமை) நடைபெறுகிறது. இதையொட்டி நவலிக்குளத்தில் ஜல்லிக்கட்டுக்கான முன்னேற்பாடு பணிகள் நடந்து வருகின்றன. பேரிகார்டு அமைக்கும்பணி தற்போது தீவிரமாக நடைபெற்று வருகிறது. அதனை திருச்சி உதவி கலெக்டர் கமல்கிஷோர் தலைமையில் திருவெறும்பூர் தாசில்தார் ஷோபா மற்றும் பல துறைகளை சேர்ந்த அரசு அதிகாரிகள் பார்வையிட்டு ஆய்வு செய்தனர்.

700 காளைகள்

ஜல்லிக்கட்டு போட்டியில் நவல்பட்டு கிராமத்தில் உள்ள 100 காளைகள் உள்பட 700 காளைகள் பதிவு செய்யப்பட்டுள்ளன. மாடுபிடி வீரர்களுக்கான முன்பதிவு நேற்று தொடங்கியது. இதில் 450 மாடுபிடி வீரர்கள் கலந்து கொள்கின்றனர்.

இந்த ஜல்லிக்கட்டு போட்டியில் முதலில் சஞ்சலா கோவில்மாடும், அதன்பிறகு ராப்பூசல், ரெட்டமலை மற்றும் நவல்பட்டு கோவில் மாடுகள் அவிழ்த்து விடப்படுகின்றன. இந்த ஜல்லிக்கட்டு போட்டியில் கலந்துகொண்டு வெற்றிபெறும் மாடுகளுக்கும், காளைகளை அடக்கும் மாடுபிடி வீரர்களுக்கும் சோபா, சைக்கிள், டிரஸ்சிங் டேபிள், கட்டில், கேஸ் ஸ்டவ், மின்விசிறி உள்ளிட்ட பொருட்கள் நவல்பட்டு கிராம கமிட்டி சார்பில் பரிசுகளாக வழங்கப்பட உள்ளன. 

தொடர்புடைய செய்திகள்

1. 1,353 காளைகள் பங்கேற்ற பிரமாண்ட ஜல்லிக்கட்டு உலக சாதனை முயற்சியாக எடப்பாடி பழனிசாமி தொடங்கி வைத்தார்
உலக சாதனை முயற்சியாக விராலிமலையில் 1,353 காளைகள் பங்கேற்ற பிரமாண்ட ஜல்லிக்கட்டு போட்டி நேற்று நடந்தது. இதனை முதல்-அமைச்சர் எடப்பாடி பழனிசாமி தொடங்கி வைத்தார்.
2. 2000 -காளைகள் பங்கேற்கும் ஜல்லிக்கட்டு போட்டியை முதல்வர் பழனிசாமி தொடங்கி வைத்தார்
விராலி மலையில் 2000 -காளைகள் பங்கேற்கும் ஜல்லிக்கட்டு போட்டியை முதல்வர் பழனிசாமி தொடங்கி வைத்தார்
3. வடமலாப்பூரில் ஜல்லிக்கட்டு; 10 பேர் காயம் காளைகளை அடக்கி வீரர்கள் பரிசு பொருட்களை தட்டி சென்றனர்
வடமலாப்பூரில் நடைபெற்ற ஜல்லிக்கட்டில் 10 பேர் காயமடைந்தனர். காளைகளை அடக்கிய வீரர்கள் பரிசு பொருட்களை தட்டி சென்றனர்.
4. அரசலூரில் 27-ந் தேதி ஜல்லிக்கட்டு நடத்துவது குறித்த ஆலோசனை கூட்டம் கலெக்டர் சாந்தா தலைமையில் நடந்தது
அரசலூரில் வருகிற 27-ந் தேதி நடைபெறும் ஜல்லிக்கட்டை பாதுகாப்பாக நடத்துவது குறித்த ஆலோசனை கூட்டம் பெரம்பலூர் மாவட்ட கலெக்டர் சாந்தா தலைமையில் நடந்தது.
5. மணப்பாறை அருகே ஜல்லிக்கட்டு: காளைகள் முட்டியதில் 71 பேர் காயம்
மணப்பாறையை அடுத்த ஆவாரங்காட்டில் நடைபெற்ற ஜல்லிக்கட்டில் காளைகள் முட்டியதில் 71 பேர் காயமடைந்தனர்.