மாவட்ட செய்திகள்

திருக்கோவிலூரில் மயங்கி கிடந்த மயிலுக்கு சிகிச்சை அளிக்க மறுத்த டாக்டர் + "||" + Doctor who refused to treat for Peacock lying unconscious

திருக்கோவிலூரில் மயங்கி கிடந்த மயிலுக்கு சிகிச்சை அளிக்க மறுத்த டாக்டர்

திருக்கோவிலூரில் மயங்கி கிடந்த மயிலுக்கு சிகிச்சை அளிக்க மறுத்த டாக்டர்
திருக்கோவிலூரில் மயங்கி கிடந்த மயிலுக்கு சிகிச்சை அளிக்க மறுத்த டாக்டருடன், வாலிபர்கள் வாக்குவாதத்தில் ஈடுபட்டதால் பரபரப்பு ஏற்பட்டது.
திருக்கோவிலூர்,

திருக்கோவிலூர் பகுதியில் சமீப காலங்களாக வயல்வெளிக்கு வரும் மயில்களின் எண்ணிக்கை அதிகரித்துள்ளது. அதனை சிலர் வேட்டையாடுவதும், சிலர் தாக்குவதும் வாடிக்கையாகி விட்டது. இது பற்றி புகார் தெரிவித்தும் வனத்துறையினர் கண்டுகொள்வதில்லை.


இந்த நிலையில் கழுமரம் கிராமத்தில் உள்ள ஒரு வயலில் மயில் ஒன்று வாயில் நுரைதள்ளியபடி மயங்கி கிடந்தது. இதை அந்த வழியாக சென்ற ஏழுமலை(வயது 25), கோவிந்தராஜ்(24) மற்றும் சில வாலிபர்கள் மயிலை மீட்டு சிகிச்சைக்காக திருக்கோவிலூர் சந்தப்பேட்டையில் உள்ள கால்நடை மருத்துவமனைக்கு கொண்டு சென்றனர்.

ஆனால் அங்கு பணியில் இருந்த டாக்டர், உடனடியாக மயிலுக்கு சிகிச்சை அளிக்கவில்லை. மாறாக அந்த வாலிபர்களிடம் இந்த மயில் உங்களிடம் எப்படி கிடைத்தது?, இதை ஏன் இங்கு கொண்டு வந்தீர்கள்? என்றும் இதற்கு சிகிச்சை அளிப்பதற்கான மருந்து இங்கு இல்லை, தனியார் மருந்து கடையில் சென்று வாங்கி வருமாறும், வனத்துறை அதிகாரியிடம் சென்று கடிதம் வாங்கி வருமாறும் கூறி உள்ளார்.

இதனால் அதிர்ச்சி அடைந்த அந்த வாலிபர்கள், மயிலுக்கு சிகிச்சை அளிக்காமல் எங்களை அலைக்கழிப்பது ஏன்?, மயிலை மீட்டு இங்கு கொண்டு வந்தது தவறா? என்று டாக்டரிடம் கடும் வாக்குவாதத்தில் ஈடுபட்டனர். இதையடுத்து அந்த டாக்டர், மயிலுக்கு சிகிச்சை அளித்தார்.

பின்னர் அந்த மயில் வனத்துறையிடம் ஒப்படைக்கப்பட்டது. அதன்பின்னர் அந்த வாலிபர்கள் அங்கிருந்து சென்று விட்டனர். இந்த சம்பவத்தால் அந்த பகுதியில் சிறிது நேரம் பரபரப்பு ஏற்பட்டது. 

தொடர்புடைய செய்திகள்

1. போடி அரசு ஆஸ்பத்திரியில் சிகிச்சைக்கு வந்த கர்ப்பிணி சாவு - உதவி கலெக்டர் விசாரணை
போடி அரசு ஆஸ்பத்திரியில் சிகிச்சைக்கு வந்த கர்ப்பிணி உயிரிழந்தார். இதுகுறித்து உதவி கலெக்டர் விசாரணை நடத்தி வருகிறார்.
2. இந்திய மீனவர்கள் எல்லை தாண்டுவதை தடுக்க செயற்கைகோள் ஏவப்படும்; விஞ்ஞானி மயில்சாமி அண்ணாதுரை தகவல்
இந்திய மீனவர்களின் எதிர்கால நலன் கருதி ஆழ்கடலில் மீன்வளத்தை கண்டறியவும், மீனவர்கள் எல்லை தாண்டுவதை தடுக்கவும் புதிய செயற்கைகோள் விண்ணில் ஏவப்படும் என்று இஸ்ரோ விஞ்ஞானி மயில்சாமி அண்ணாதுரை தெரிவித்தார்.
3. மயில், காட்டுப்பன்றி அட்டகாசத்தால் கரும்பு, சோளப்பயிர் சேதம் - குறை தீர்க்கும் கூட்டத்தில் விவசாயிகள் புகார்
நாகியம்பட்டி, வெள்ளையூர் பகுதிகளில் மயில், காட்டுப்பன்றி அட்டகாசத்தால் கரும்பு, சோளப்பயிர்கள் சேதம் அடைந்து உள்ளன என்று குறை தீர்க்கும் கூட்டத்தில் விவசாயிகள் புகார் கூறினர்.
4. பாம்பன் ரெயில் பாலத்தில் ரெயில் மோதி மயில்கள் இறந்து கடலில் விழுந்த பரிதாபம்
பாம்பன் ரெயில் பாலத்தில் ரெயில் மோதி மயில்கள் இறந்து கடலில் விழும் சம்பவம் நடந்து வருகிறது.
5. புதிய தொழில்கள் செய்யும் ஆற்றலை வளர்த்துக்கொள்ள வேண்டும் - விஞ்ஞானி மயில்சாமி அண்ணாதுரை
புதிய தொழில்கள் செய்யும் ஆற்றலை வளர்த்துக்கொள்ள வேண்டும் என்று கல்லூரி பட்டமளிப்பு விழாவில் விஞ்ஞானி மயில்சாமி அண்ணாதுரை கூறினார்.