மாவட்ட செய்திகள்

பரமக்குடி பகுதியில் வாருகால் சேதமடைந்ததால் பொதுமக்கள் அவதி + "||" + The people are suffering because they are damaged

பரமக்குடி பகுதியில் வாருகால் சேதமடைந்ததால் பொதுமக்கள் அவதி

பரமக்குடி பகுதியில் வாருகால் சேதமடைந்ததால் பொதுமக்கள் அவதி
பரமக்குடி பகுதியில் வாருகால் சேதமடைந்துள்ளதாலும், போகலூரில் வாருகால் வசதி இல்லாததாலும் பொதுமக்கள் அவதியடைந்து வருகின்றனர்.
பரமக்குடி,

பரமக்குடி நகராட்சிக்கு உட்பட்டது வாணியர் தெரு. இங்கு 200-க்கும் மேற்பட்ட குடும்பங்கள் உள்ளன. இந்த பகுதியில் உள்ள கழிவுநீர் செல்லும் வாருகால் பல ஆண்டுகளாக உடைந்து கிடக்கின்றன. இதனால் இப்பகுதியில் உள்ளவர்கள் தங்கள் வீடுகளுக்கு செல்வதற்கு மிகவும் சிரப்படுகின்றனர். எனவே பெரிய கற்களை உடைந்து கிடக்கும் வாருகால் மீது போட்டு அதில் ஏறி வீட்டுக்கு செல்கின்றனர். இருசக்கர வாகனங்கள் வைத்திருப்பவர்கள், வாகனங்களை தங்களின் வீடுகளுக்கு முன்பு வைக்க முடியாமல் மெயின் சாலையில் நிறுத்திச்செல்கின்றனர்.


வாருகால் சேதமடைந்துள்ளதால் குழந்தைகள், வயதானோர் என பலர் தவறி கழிவுநீர் கால்வாயில் விழுந்து காயம் அடைந்துள்ளதாக அந்த பகுதி மக்கள் கூறுகின்றனர். இந்த கால்வாய் வாருகாலை சீரமைக்க கோரி பல முறை நகராட்சி நிர்வாகத்திடம் முறையிட்டும், எவ்வித நடவடிக்கையும் எடுக்கப்படவில்லை என்று புகார் கூறுகின்றனர்.

எனவே சம்பந்தப்பட்ட அதிகாரிகள் இதற்கான நடவடிக்கையை உடனே எடுக்க வேண்டும் என்று பொதுமக்கள் கோரிக்கை விடுத்துள்ளனர்.

பரமக்குடி தாலுகா போகலூர் கிராமத்தில் 2 ஆயிரத்திற்க்கும் மேற்பட்டோர் வசித்து வருகின்றனர். இந்த பகுதியில் சாக்கடை வாருகால் வசதி இல்லாததால், வீட்டில் பயன்படுத்தும் தண்ணீர் அனைத்தும் தெருவில் தான் விடப்படுகின்றன. இதனால் கழிவுநீர் அனைத்தும் சாலைகளிலேயே தேங்கி கிடக்கிறது. இதன் காரணமாக மலேரியா, டெங்கு உள்ளிட்ட கொசுக்கள் உற்பத்தியாகி தொற்றுநோய் பரவும் அபாயம் ஏற்பட்டுள்ளது.

மேலும் இந்த பகுதியில் உள்ள மழலையர் பள்ளி முன்பாக கழிவுநீர் அதிக அளவில் தேங்கி நிற்கிறது. அதனை கடந்து தான் மாணவ-மாணவிகள் பள்ளிக்கு செல்ல வேண்டிய நிலை உள்ளது. எனவே போகலூர் பகுதியில் வாருகால் வசதி ஏற்படுத்த வேண்டும் என அப்பகுதி மக்கள் கோரிக்கை விடுத்துள்ளனர்.

தொடர்புடைய செய்திகள்

1. காரமடையில் மேம்பாலம் கட்டியும் போக்குவரத்து நெரிசல் தீரவில்லை சேவை சாலை அமைக்க பொதுமக்கள் கோரிக்கை
காரமடையில் மேம்பாலம் கட்டியும் பயனில்லாததால், பொதுமக்கள் போக்குவரத்து நெரிசலில் சிக்கி தவிக்கின்றனர். இதை தொடர்ந்து சேவை சாலை அமைத்து வாகன நெரிசலுக்கு தீர்வு காண வேண்டும் என்று பொதுமக்கள் கோரிக்கை விடுத்து உள்ளனர்.
2. பொதுமக்கள் நடமாட்டம் அதிகம் உள்ள புதுவை நேரு வீதியில் கழிவுநீர் குப்பைகளால் போக்குவரத்து நெரிசல்
புதுவையின் முக்கிய கடைவீதியான நேரு வீதியில் கழிவுநீர் வாய்க்கால் தூர்வாரப்பட்டு மண் உள்ளிட்ட குப்பைகள் குவித்து வைக்கப்பட்டு இருப்பதால் போக்குவரத்து நெரிசல் அதிகமாகி உள்ளது.
3. சத்தியமங்கலம் அருகே ராஜன் நகரில் அடிக்கடி நடமாடும் சிறுத்தை; கூண்டு வைத்து பிடிக்க பொதுமக்கள் கோரிக்கை
சத்தியமங்கலம் அருகே உள்ள ராஜன் நகரில் அடிக்கடி சிறுத்தை நடமாடுவதால் அதை கூண்டு வைத்து பிடிக்க பொதுமக்கள் கோரிக்கை வைத்துள்ளார்கள்.
4. புயலால் பாதிக்கப்பட்டவர்களுக்கு நிவாரண தொகை உடனடியாக வழங்க வேண்டும் பொதுமக்கள் கோரிக்கை
புயலால் பாதிக்கப்பட்டவர்களுக்கு நிவாரண தொகை உடனடியாக வழங்க நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.
5. பொங்கல் பரிசு தொகுப்பு வாங்குவதற்கு ரே‌ஷன் கடை முன்பு விடிய, விடிய காத்திருந்த பொதுமக்கள்
திருப்பூரில் பொங்கல் சிறப்பு பொருட்கள் வாங்க ரே‌ஷன் கடை முன்பு விடிய, விடிய வரிசையில் பொதுமக்கள் காத்திருந்தனர். மேலும் கொட்டும் பனியிலும் இரவு நேரம் வீட்டிற்கு போகாமல் சாப்பாடு கொண்டு வந்து சாப்பிட்டனர்.