மாவட்ட செய்திகள்

திருவள்ளூர் கலெக்டர் அலுவலகம் முற்றுகை + "||" + Thiruvallur Siege of the Collector office

திருவள்ளூர் கலெக்டர் அலுவலகம் முற்றுகை

திருவள்ளூர் கலெக்டர் அலுவலகம் முற்றுகை
சுடுகாட்டு பாதை ஆக்கிரமிப்பை அகற்றக்கோரி திருவள்ளூர் கலெக்டர் அலுவலகம் முற்றுகையிடப்பட்டது.
திருவள்ளூர்,

திருவள்ளூர் கலெக்டர் அலுவலகத்தை நேற்று திருவள்ளூரை அடுத்த மணவாளநகர், ஒண்டிக்குப்பம், கணேசபுரம், கபிலர் நகர், ஜெல்லிமேடு, கே.கே.நகர், வரலட்சுமிநகர், சண்முகபத்மாவதி நகர் போன்ற 20 நகர்பகுதிகளை சேர்ந்த திரளான பொதுமக்கள் முற்றுகையிட்டு கண்டன கோஷங்களை எழுப்பினார்கள். அப்போது அவர்கள் கூறியதாவது.


நாங்கள் மேற்கண்ட பகுதியில் 3 தலைமுறையாக வசித்து வருகிறோம். எங்கள் பகுதியில் இறப்பு ஏற்படும் சமயத்தில் கூவம் ஆற்றங்கரையோரம் மயான நிலத்தில் உடலை அடக்கம் செய்தும், எரித்தும் வருகிறோம்.

இந்த நிலையில் கடந்த 2 ஆண்டுகளாக எங்கள் சுடுகாட்டுக்கு செல்லும் வழியை மறித்து சுற்றுச்சுவர் எழுப்பி உள்ளனர். இதனால் நாங்கள் இறப்பு ஏற்படும் சமயத்தில் உடலை அடக்கம் செய்ய சுடுகாட்டிற்கு செல்லமுடியாமல் வழியை மறித்து விட்டார்கள். இதனால் நாங்கள் இறந்தவரின் உடலை அடக்கம் செய்யமுடியாமல் அவதிப்பட்டு வருகிறோம். எனவே மேற்கண்ட பகுதியில் சுடுகாட்டிற்கு செல்லும் பாதையை ஆக்கிரமிப்பு செய்யப்பட்டிருப்பதை கண்டறிந்து அவற்றை அகற்றி சுடுகாட்டிற்கு செல்ல வழிவகை செய்து தரவேண்டும். இவ்வாறு அவர்கள் கூறினர்.

பின்னர் அவர்கள் இது தொடர்பான புகார் மனுவை திருவள்ளூர் மாவட்ட கலெக்டர் சுந்தரவல்லியிடம் அளித்தார்கள். மனுவை பெற்றுக்கொண்ட கலெக்டர் அதன் மீது உரிய நடவடிக்கை எடுப்பதாக தெரிவித்தார்.


தொடர்புடைய செய்திகள்

1. கலெக்டர் அலுவலகத்தை இந்து முன்னணியினர் முற்றுகை
விநாயகர் சிலைகள் அமைப்பதற்கு விதிக்கப்பட்ட கட்டுப்பாடுகளை கண்டித்து இந்து முன்னணியினர் நேற்று நெல்லை கலெக்டர் அலுவலகத்தை முற்றுகையிட்டனர்.
2. வாலிபர் மர்ம சாவு: கலெக்டர் அலுவலகத்தை உறவினர்கள் முற்றுகை
தேனி அருகே விவசாய தோட்டத்தில் வாலிபர் மர்மமாக இறந்து கிடந்தார். அவரை மணல் கடத்தலில் ஈடுபடுபவர்கள் கொலை செய்துள்ளதாக புகார் கூறி உறவினர்கள் கலெக்டர் அலுவலகத்தை முற்றுகையிட்டு போராட்டம் நடத்தினர்.
3. தேசிய ஊரக வேலை திட்டத்தில் முறைகேடு: திருவள்ளூர் கலெக்டர் அலுவலகம் முற்றுகை
கும்மிடிப்பூண்டியை அடுத்த பூவலம்பேடு ஊராட்சி தாணிப்பூண்டி கிராமத்தை சேர்ந்த திரளான பொதுமக்கள் கலெக்டர் அலுவலகத்தை முற்றுகையிட்டு கண்டன கோஷங்களை எழுப்பினார்கள்.