மாவட்ட செய்திகள்

திருப்பரங்குன்றம் கோவிலில் பக்தர்கள் நெய் விளக்கு ஏற்றுவது தவிர்ப்பு + "||" + Devotees avoid the ghee lamps in Tiruparankundram temple

திருப்பரங்குன்றம் கோவிலில் பக்தர்கள் நெய் விளக்கு ஏற்றுவது தவிர்ப்பு

திருப்பரங்குன்றம் கோவிலில்  பக்தர்கள் நெய் விளக்கு ஏற்றுவது தவிர்ப்பு
திருப்பரங்குன்றம் முருகன் கோவிலில் பக்தர்கள் நெய் விளக்கு ஏற்றுவதை தவிர்க்கும் வகையில் 7 இடங்களில் அணையா விளக்குகள் வைக்கப்பட உள்ளது.
திருப்பரங்குன்றம்,

திருப்பரங்குன்றம் முருகன் கோவிலில் பக்தர்கள் நெய் விளக்கு ஏற்றி வழிபட்டு வருகிறார்கள். நெய் விளக்கு விற்பனை உரிம ஏலத்தை தனியார் ஏற்றிருந்த நிலையில் 2013-ம் ஆண்டில் இருந்து கோவில் நிர்வாகம நேரடியாக மகளிர் சுய உதவி குழுக்கள் மூலம் நெய் விளக்கு விற்பனையை செய்து வந்தது. இதன் மூலம் கோவிலுக்கு பல மடங்கு வருமானம் கிடைத்ததோடு மகளிர் சுய உதவி குழுக்களுக்கு வேலை வாய்ப்பும் கிடைத்தது.

இந்த நிலையில் சமீபத்தில் மதுரை மீனாட்சி அம்மன் கோவிலில் தீ விபத்து ஏற்பட்டதையடுத்து திருப்பரங்குன்றம் கோவிலில் நெய் விளக்கு விற்பனை கொஞ்சம் கொஞ்சமாக குறைக்கப்பட்டு வருகிறது. இதற்கிடையில் இந்து சமய அறநிலையத்துறை கமிஷனர் உத்தரவுப்படி கோவிவில் அணையா விளக்கு அமைக்கப்பட்டு அதில் பக்தர்கள் நெய் விட்டு வழிபட ஏற்பாடு செய்யப்படுகிறது.

இதுகுறித்து கோவில் துணை கமிஷனர் (பொறுப்பு) மாரிமுத்து கூறுகையில், சராசரியாக 25 லிட்டர் கொள்ளளவு கொண்ட அணையா (வாடா) விளக்குகள் 7 இடங்களில் வைக்கப்பட உள்ளது. இதற்காக ஒப்பந்தப் புள்ளி கோரப்பட்டுள்ளது. விரைவில் வாடா விளக்குகள் வைக்கப்படும் இதே போல சன்னதி தெருவில் உள்ள சொக்கநாதர் கோவிலிலும் வைக்கப்படும் என்றார்.

அணையா விளக்குகள் பயன்படுத்தும் பட்சத்தில் அகல் விளக்கில் நெய் விளக்கு ஏற்றுவது முழுமையாக தவிர்க்கப்படும் என்று தெரிகிறது.


தொடர்புடைய செய்திகள்

1. திருப்பரங்குன்றம், திருவாரூர் இடைத்தேர்தலை ஒத்திவைக்க காரணம், அழுத்தங்கள் அல்ல - தலைமை தேர்தல் கமிஷனர் திட்டவட்டம்
திருப்பரங்குன்றம், திருவாரூர் தொகுதிகளில் இடைத்தேர்தலை ஒத்திவைக்க காரணம், அழுத்தங்கள் அல்ல என்று தலைமை தேர்தல் கமிஷனர் திட்டவட்டமாக கூறினார்.
2. திருப்பரங்குன்றம், திருவாரூர் தொகுதியில் தேர்தல் தள்ளிவைக்கப்பட்டது ஏன்? தேர்தல் கமிஷனுக்கு தலைமைச் செயலாளர் எழுதிய கடிதத்தில் தகவல்
திருப்பரங்குன்றம், திருவாரூர் தொகுதிகளில் இடைத்தேர்தல் அறிவிக்காததின் பின்னணி, தேர்தல் கமிஷனுக்கு தமிழக அரசு எழுதிய கடிதம் மூலம் தெரிய வந்துள்ளது.
3. திருப்பரங்குன்றம் தொகுதியில் வாக்காளர் பட்டியலில் பெயர் சேர்க்க இளைஞர்கள் ஆர்வம்
திருப்பரங்குன்றம் சட்டமன்ற தொகுதிக்கு உட்பட்ட பகுதிகளில் நடந்த சிறப்பு முகாமில் வாக்காளர் பட்டியலில் பெயர் சேர்க்க இளைஞர்கள் ஆர்வம் காட்டினர்.
4. திருப்பரங்குன்றம் இடைத்தேர்தலில் எந்த சின்னத்தில் நின்றாலும் அ.ம.மு.க. வெற்றி பெறும் - தங்க தமிழ்ச்செல்வன்
திருப்பரங்குன்றம் இடைத்தேர்தலில் எந்த சின்னத்தில் நின்றாலும் அ.ம.மு.க. வெற்றி பெறும் என தங்க தமிழ்ச்செல்வன் கூறினார்.
5. திருப்பரங்குன்றம், திருவாரூர் இடைத்தேர்தலில் பா.ஜ.க. போட்டியிடுமா? - தமிழிசை சவுந்தரராஜன் பதில்
திருப்பரங்குன்றம், திருவாரூர் இடைத்தேர்தலில் பா.ஜ.க. போட்டியிடுமா? என்பது குறித்து தமிழிசை சவுந்தரராஜன் பதில் அளித்தார்.