<
நூதன முறையில் கார் திருட்டில் ஈடுபட்ட 2 பேர் கைது: 8 கார்கள் பறிமுதல்
மும்பை, நவிமும்பை, தானேயில் நூதன முறையில் கார் திருட்டில் ஈடுபட்டு வந்த 2 பேர் கைது செய்யப்பட்டனர். அவர்களிடம் இருந்து 8 கார்கள் பறிமுதல் செய்யப்பட்டன.
மும்பை,
மும்பை, நவிமும்பை, தானே பகுதிகளில் கார் விற்பனை செய்வர்களிடம் இருந்து நூதன முறையில் 2 ேபர் கார்களை திருடி வந்துள்ளனர். இந்த ஆசாமிகள் 2 பேரும் இணையதளத்தில் கார் விற்பனை செய்ய உள்ளதாக விளம்பரம் செய்பவர்களை சந்தித்து பேசுவார்கள்.
அப்போது காரை ஓட்டி பார்ப்பதாக கூறி, காருடன் மாயமாகி விடுவார்கள். இவர்களிடம் மும்பை டிராம்பே, விக்ரோலி, பாந்திரா, முல்லுண்டு, நவிமும்பை ஜூயி நகர், கலம்போலி, தானே மான்பாடா, நவ்கர் ஆகிய இடங்களை சேர்ந்தவர்கள் தங்களது விலையுயர்ந்த கார்களை பறிகொடுத்து உள்ளனர்.
பாதிக்கப்பட்டவர்கள் அந்தந்த பகுதி போலீஸ் நிலையங்களில் புகார் கொடுத்தனர். அதன்பேரில் போலீசார் வழக்குப்பதிவு செய்து விசாரணை நடத்தினார்கள். மும்பை பி.கே.சி. போலீசார் விசாரணை நடத்தி, நூதன கார் திருட்டில் ஈடுபட்டு வந்த 2 ஆசாமிகளையும் அதிரடியாக கைது செய்தனர்.
விசாரணையில் அவர்களது பெயர் முகமது அய்யாத் செய்யது, ஆரிப் செய்யது ஆகியோர் என்பது தெரியவந்தது. அவர்களிடம் இருந்த 8 கார்களை போலீசார் பறிமுதல் செய்தனர். கைதான இருவரிடமும் போலீசார் தீவிர விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
