மாவட்ட செய்திகள்

பஸ்-மோட்டார் சைக்கிள் மோதல்; விவசாயி பலி + "||" + Bus motorcycle clash Farmer kills

பஸ்-மோட்டார் சைக்கிள் மோதல்; விவசாயி பலி

பஸ்-மோட்டார் சைக்கிள் மோதல்; விவசாயி பலி
உத்திரமேரூர் அருகே பஸ்-மோட்டார் சைக்கிள் மீது மோதியதில் விவசாயி பலியானார்.
உத்திரமேரூர்,

காஞ்சீபுரம் மாவட்டம் உத்திரமேரூரை அடுத்த கன்னிகுளம் கிராமத்தை சேர்ந்தவர் மோகன் (வயது 38). விவசாயி. நேற்று இவர் தனது வீட்டுக்கு வந்த உறவினரான மதுராந்தகத்தை அடுத்த அதிமனம் கிராமத்தை சேர்ந்த முரளி (35) என்பவருடன் உத்திரமேரூருக்கு மோட்டார் சைக்கிளில் சென்றார்.


திருப்புலிவனம் மேல்நிலைப்பள்ளி அருகே உள்ள வேகத்தடையை தாண்டும் போது பின்னால் வந்த தனியார் பஸ்- மோட்டார் சைக்கிள் மீது மோதியது. இதில் மோகன் அதே இடத்தில் பரிதாபமாக உயிரிழந்தார்.

முரளிக்கு 2 கால்களும் முறிந்தன. உடனடியாக முரளியை சிகிச்சைக்காக செங்கல்பட்டு அரசு ஆஸ்பத்திரிக்கு கொண்டு சென்றனர். இதனால் ஆத்திரம் அடைந்த பொதுமக்கள் தனியார் பஸ்சின் கண்ணாடிகளை அடித்து உடைத்து சேதப்படுத்தினர்.

இதுகுறித்து உத்திரமேரூர் போலீஸ் நிலையத்திற்கு தகவல் தெரிவிக்கப்பட்டது. போலீஸ் இன்ஸ்பெக்டர் ரமேஷ், சப்-இன்ஸ்பெக்டர் மூர்த்தி ஆகியோர் சம்பவ இடத்திற்கு விரைந்து வந்து மோகனின் உடலை கைப்பற்றி பிரேத பரிசோதனைக்காக செங்கல்பட்டு அரசு ஆஸ்பத்திரிக்கு அனுப்பி வைத்தனர். மேலும் வழக்குப்பதிவு செய்து விசாரித்து வருகின்றனர்.

உயிரிழந்த மோகனுக்கு மனைவியும், 2 மகள்களும், ஒரு மகனும் உள்ளனர்.

தொடர்புடைய செய்திகள்

1. உத்திரமேரூர் அருகே கிராம மக்கள் சாலை மறியல்
காஞ்சீபுரம் மாவட்டம் உத்திரமேரூர் தாலுகா கருவேப்பம் பூண்டி கிராமத்தில் புதிதாக மேல்நிலை நீர் தேக்கத்தொட்டி கட்டும் பணி நடந்து வருகிறது. அதே கிராமத்தை சேர்ந்த ஒருவர் தொட்டி கட்டும் பணியை தடுத்து ஆக்கிரமிக்க முயன்றார்.
2. பாபநாசம் அருகே பள்ளத்தில் பஸ் இறங்கியது; 30 பேர் அதிர்ஷ்டவசமாக உயிர் தப்பினர்
கோயம்புத்தூரில் இருந்து சுற்றுலா வந்த பஸ், பள்ளத்தில் இறங்கியது. அதில் பயணம் செய்த 30 பேரும் அதிர்ஷ்டவசமாக உயிர் தப்பினர்.
3. உத்திரமேரூர் அருகே மோட்டார் சைக்கிள் விபத்தில் தொழிலாளி பலி
உத்திரமேரூர் அருகே மோட்டார் சைக்கிள் விபத்தில் தொழிலாளி பலியானார்.
4. திருச்சி அருகே விபத்தில் சிக்கிய பஸ் தாறுமாறாக ஓடி நிழற்குடைக்குள் புகுந்தது; பெயிண்டர் பலி
திருச்சி அருகே விபத்தில் சிக்கிய பஸ் தாறுமாறாக ஓடி நிழற்குடைக்குள் புகுந்தது. இதில் பெயிண்டர் பரிதாபமாக இறந்தார்.
5. அவினாசி அருகே மோட்டார் சைக்கிள் மீது பஸ் மோதல்; 2 பேர் பலி
அவினாசி அருகே மோட்டார் சைக்கிள் மீது தனியார் பஸ் மோதிய விபத்தில் 2 பேர் பலியானார்கள்.