மாவட்ட செய்திகள்

சிவகங்கையில் ஆசிரியர்கள் கண்களில் கருப்பு துணி கட்டி ஆர்ப்பாட்டம் + "||" + Teachers demonstrated in Sivagangai

சிவகங்கையில் ஆசிரியர்கள் கண்களில் கருப்பு துணி கட்டி ஆர்ப்பாட்டம்

சிவகங்கையில் ஆசிரியர்கள் கண்களில் கருப்பு துணி கட்டி ஆர்ப்பாட்டம்
கல்வித்துறையில் இருந்து தொடக்கக் கல்வியை முற்றிலும் அகற்ற நடவடிக்கை எடுக்க உள்ள தமிழக அரசின் முடிவை கண்டித்து சிவகங்கையில் ஆசிரியர்கள் கண்களில் கருப்பு துணி கட்டி ஆர்ப்பாட்டத்தில் ஈடுபட்டனர்.

சிவகங்கை,

தமிழ்நாடு ஆரம்பப் பள்ளி ஆசிரியர் கூட்டணி சார்பில் ஏழை, கிராமப்புற குழந்தைகளின் நலன் கருதி தமிழக அரசு பள்ளிகளை மூடும் நடவடிக்கைகளை தமிழக அரசு கைவிட வேண்டும். தமிழக கல்வித் துறையில் இருந்து தொடக்கக் கல்வித் துறையை முற்றிலும் அகற்றும் அரசாணைகளை தமிழக அரசு திரும்ப பெறவேண்டும்.

2017–18–ம் ஆண்டு ஆசிரியர்களுக்கான பொதுமாறுதல் கலந்தாய்வை உடனடியாக நடத்த வேண்டும். புதிய இன்சூரன்ஸ் திட்டத்தில் நடைபெறும் முறைகேடுகளை தடுத்து கட்டணமில்லா சிகிச்சையை உறுதிப்படுத்த வேண்டும் என்பது உள்ளிட்ட 4 அம்ச கோரிக்கைகளை வலியுறுத்தி சிவகங்கை முதன்மைக் கல்வி அதிகாரி அலுவலகம் முன்பு ஆசிரியர்கள் தங்களது கண்களில் கருப்பு துணி கட்டிக்கொண்டு நூதன முறையில் கண்டன ஆர்ப்பாட்டம் நடைபெற்றது. ஆர்ப்பாட்டத்திற்கு மாவட்ட தலைவர் தாமஸ் அமலநாதன் தலைமை தாங்கினார்.

மாநில செயற்குழு உறுப்பினர் புரட்சித்தம்பி முன்னிலை வகித்தார். ஆர்ப்பாட்டத்தில் தமிழ்நாடு ஆரம்பப் பள்ளிஆசிரியர் கூட்டணி மாநில துணைத் தலைவர் ஜோசப்ரோஸ், மாவட்ட செயலாளர் முத்துப்பாண்டியன், மாவட்ட பொருளாளர் குமரேசன், மாநில பொதுக்குழு உறுப்பினர்கள் சிங்கராயர், ஆரோக்கியராஜ், ஞான அற்புதராஜ், துணைத்தலைவர் மாலா, துணைச் செயலாளர்கள் ரவி, ஜெயக்குமார், ஜீவாஆனந்தி, தமிழ்நாடு உயர்நிலை, மேல்நிலைப்பள்ளி பட்டதாரி ஆசிரியர் கழக மாவட்ட செயலாளர் இளங்கோ, தமிழ்நாடு இடைநிலை ஆசிரியர் சங்க மாவட்ட தலைவர் நரசிம்மன், பொதுச்செயலாளர் சங்கர் மற்றும் அனைத்து ஒன்றியங்களின் வட்டார செயலாளர்கள் உள்ளிட்ட 500–க்கும் மேற்பட்ட ஆசிரியர்கள் கலந்துகொண்டு கோரிக்கைகளை வலியுறுத்தி கோ‌ஷமிட்டனர்.



தொடர்புடைய செய்திகள்

1. கோரிக்கையை நிறைவேற்ற வலியுறுத்தி தொழிற்சங்கத்தினர் ஆர்ப்பாட்டம்
5 அம்ச கோரிக்கைகளை நிறைவேற்ற வலியுறுத்தி அனைத்து மத்திய தொழிற்சங்கங்கள் சார்பாக திருவள்ளூர் ரெயில் நிலையம் அருகே கண்டன ஆர்ப்பாட்டம் நடைபெற்றது.
2. மார்க்சிஸ்ட் கம்யூனிஸ்டு ஆர்ப்பாட்டம்
சிவகாசியில் சொத்து வரியை உயர்த்தி அறிவிப்பு செய்த நகராட்சி நிர்வாகத்தை கண்டித்து மார்க்சிஸ்ட் கம்யூனிஸ்ட் கட்சியின் சார்பில் கண்டன ஆர்ப்பாட்டம் நடைபெற்றது.
3. தீபாவளிக்கு ரூ.5 ஆயிரம் வழங்கக்கோரி கட்டிட தொழிலாளர்கள் ஊர்வலம்– ஆர்ப்பாட்டம்
தீபாவளி பண்டிகைக்கு ரூ.5 ஆயிரம் உதவித்தொகை வழங்கக்கோரி கட்டிட தொழிலாளர்கள் ஊர்வலமாக சென்று ஆர்ப்பாட்டம் நடத்தினார்கள்.
4. பி.எஸ்.என்.எல். ஊழியர்கள் ஆர்ப்பாட்டம்
பல்வேறு கோரிக்கைகளை வலியுறுத்தி புதுச்சேரி மாநில பி.எஸ்.என்.எல். ஊழியர் சங்கம் மற்றும் ஒப்பந்த ஊழியர் சங்கம் சார்பில் கண்டன ஆர்ப்பாட்டம் நடைபெற்றது.
5. வீடுகளை இழந்தவர்களுக்கு மாற்று இடத்தை கொரட்டூர் பகுதியில் வழங்கக்கோரி நாம் தமிழர் கட்சியினர் ஆர்ப்பாட்டம்
கொரட்டூர் பகுதியில் வீடுகளை இழந்தவர்களுக்கு அந்த பகுதியிலேயே மாற்று இடம் வழங்க வேண்டும் எனக்கோரி நாம் தமிழர் கட்சியினர் ஆர்ப்பாட்டத்தில் ஈடுபட்டனர்.