மாவட்ட செய்திகள்

ராமேசுவரம், தனுஷ்கோடி பகுதியில் 3–வது நாளாக பலத்த சூறாவளி காற்று + "||" + Rameshwaram, Dhanushkodi area is the 3rd day wind

ராமேசுவரம், தனுஷ்கோடி பகுதியில் 3–வது நாளாக பலத்த சூறாவளி காற்று

ராமேசுவரம், தனுஷ்கோடி பகுதியில் 3–வது நாளாக பலத்த சூறாவளி காற்று
ராமேசுவரம், தனுஷ்கோடி பகுதியில் நேற்று 3–வது நாளாக பலத்த சூறாவளி காற்று வீசியது. கடல் கொந்தளிப்புடன் காணப்பட்டது.

ராமேசுவரம்,

ராமேசுவரம், தனுஷ்கோடி, எம்.ஆர்.சத்திரம், பாம்பன் உள்ளிட்ட ராமேசுவரம் தீவு பகுதி முழுவதும் தொடர்ந்து பலத்த சூறாவளி காற்று வீசி வருகிறது. கடல் கொந்தளிப்புடன் காணப்படுகிறது. நேற்று 3–வது நாளாக ராமேசுவரம், தனுஷ்கோடி, பாம்பன் ஆகிய பகுதிகளில் பலத்த காற்று வீசியது.

இந்த காற்றின் காரணமாக சாலைகளில் மணல் அள்ளி தூற்றுவதால் வாகன ஓட்டுனர்களும், பொதுமக்களும் மிகவும் சிரமத்துக்குஉள்ளாகி வருகின்றனர். குறிப்பாக இருசக்கர வாகன ஓட்டுனர்கள் காற்றின் வேகத்துக்கு ஈடுகொடுக்க முடியாமல் விபத்தை சந்திக்கின்றனர்.

செம்மமடம் பகுதியில் வீசிய சூறாவளி காற்றில் தேசிய நெடுஞ்சாலையோரம் இருந்த பழமையான மரம் வேரோடு சாய்ந்தது. அப்போது அருகில் இருந்த மின் கம்பத்தின் மீது அந்த மரம் சாய்ந்து விழுந்ததால் மின்சாரம் துண்டிக்கப்பட்டது. தகவல் அறிந்ததும் மின்வாரிய ஊழியர்கள் அங்கு வந்து மரத்தை அப்புறப்படுத்தி மின்கம்பிகளை சரி செய்தனர். இதனால் ராமேசுவரம் பகுதியில் சுமார் 3 மணி நேரம் மின் வினியோகம் பாதிக்கப்பட்டது.

மதுரையில் இருந்து ராமேசுவரம் நோக்கி வந்த பயணிகள் ரெயில் பலத்த சூறாவளி காற்று காரணமாக நேற்று பிற்பகல் 3.15 மணி அளவில் மண்டபம் ரெயில் நிலையத்தை கடந்து வந்தபோது பாம்பன் பாலம் நுழைவு பகுதியில் நிறுத்தப்பட்டது. சுமார் 1¼ மணி நேரம் தாமதத்திற்கு பிறகு பாம்பன் பாலத்தில் மெதுவாக ஊர்ந்து சென்று ராமேசுவரத்தை அடைந்தது. தொடர்ந்து ராமேசுவரம், தனுஷ்கோடி பகுதியில் கடல் கொந்தளிப்புடன் காணப்படுகிறது.



தொடர்புடைய செய்திகள்

1. ராமேசுவரம் பகுதியில் கண்டெடுக்கப்பட்ட ஆயுத குவியலால் பரபரப்பு
ராமேசுவரம் பகுதியில் இலகு ரக எந்திர துப்பாக்கிக்கு பயன்படுத்தும் தோட்டாக்கள் கண்டுபிடிக்கப்பட்டது.
2. ராமேசுவரம் தீவு பகுதியில் மீண்டும் சூறாவளி காற்றுடன் கடல் கொந்தளிப்பு
ராமேசுவரம் தீவு பகுதியில் மீண்டும் பலத்த சூறாவளி காற்றுடன் கடல் கொந்தளிப்பு ஏற்பட்டது. மதுரை பயணிகள் ரெயில் மண்டபத்துடன் நிறுத்தப்பட்டது.
3. ராமேசுவரம், தனுஷ்கோடி பகுதியில் பலத்த சூறாவளி காற்றுடன் கடல் கொந்தளிப்பு
ராமேசுவரம் மற்றும் தனுஷ்கோடி பகுதியில் பலத்த சூறாவளி காற்றுடன் கடல் கொந்தளிப்பு ஏற்பட்டுள்ளது.
4. ராமேசுவரம், பாம்பன், மண்டபம் பகுதிகளில் கடலுக்கு செல்ல தயாராகி வரும் விசைப்படகுகள்
தடை காலம் முடிவடைய உள்ள நிலையில் ராமேசுவரம், பாம்பன், மண்டபம் பகுதிகளில் விசைப்படகுகள் கடலுக்கு செல்ல தயாராகி வருகின்றன.
5. 292 பேருக்கு நிவாரணத்தொகை வழங்காததால் ராமேசுவரம் மீன்துறை உதவி இயக்குனருக்கு அமைச்சர் கண்டிப்பு
ராமேசுவரத்தில் 292 பேருக்கு நிவாரணத்தொகை வழங்காததால் ராமேசுவரம் மீன்துறை உதவிஇயக்குனரை அமைச்சர் கண்டித்து ஆழ்கடல் மீன்பிடி படகு கட்டும் தொடக்கவிழாவில் பேசினார். அரசின் விதிமுறையை கடை பிடித்ததால் அவருக்கு மீன்துறை இயக்குனர் பாராட்டினார்.