மாவட்ட செய்திகள்

தஞ்சை பகுதியில் பலத்த காற்றினால் நெற்பயிர்கள் சாய்ந்தன + "||" + In the Tanjore area, the paddy fields are tilted with strong winds

தஞ்சை பகுதியில் பலத்த காற்றினால் நெற்பயிர்கள் சாய்ந்தன

தஞ்சை பகுதியில் பலத்த காற்றினால் நெற்பயிர்கள் சாய்ந்தன
தஞ்சை பகுதியில் பலத்த காற்றினால் நெற்பயிர்கள் சாய்ந்ததால் விவசாயிகள் கவலை அடைந்தனர்.
தஞ்சாவூர்,

தஞ்சை மற்றும் அதை சுற்றியுள்ள பகுதிகளில் நேற்றுமுன்தினம் பலத்த காற்று வீசியது. இந்த காற்றினால் தஞ்சை நீதிமன்ற சாலையில் தாலுகா அலுவலகம் அருகில் இருந்த அரசமரத்தின் கிளை முறிந்து விழுந்தது. இந்த மரக்கிளையானது மின்கம்பிகளின் மீது விழுந்ததால் அடுத்தடுத்து இருந்த மின்கம்பங்கள் வளைந்தன. மரக்கிளை உடனே அப்புறப்படுத்தப்பட்டது. ஆனால் மின்கம்பிகள் சரி செய்யப்படாததால் இரவு விடிய, விடிய அந்த பகுதியில் மின்சாரம் நிறுத்தப்பட்டது.


நேற்று மின்கம்பிகளை மாற்றும் பணியில் மின்வாரிய அதிகாரிகள், ஊழியர்கள் ஈடுபட்டனர். இதனால் தஞ்சை நீதிமன்ற சாலையில் போக்குவரத்து நிறுத்தப்பட்டு மாற்றுவழியாக திருப்பி விடப்பட்டன. மோட்டார் சைக்கிள் மட்டும் சென்று வந்தன. நீதிமன்றசாலையில் உள்ள பொதுப்பணித்துறை அலுவலக வளாகத்தில் நின்ற மரம் சாய்ந்து பழைய கட்டிடத்தின் மீது விழுந்தது. இதனால் அந்த கட்டிடமும் சேதம் அடைந்தது.


தஞ்சை பகுதியில் ஆழ்குழாய் கிணறு மூலம் விவசாயிகள் பலர் கோடை நெல் சாகுபடி செய்து இருந்தனர். அவைகள் நன்றாக விளைந்திருந்த நிலையில், பலத்த காற்றினால் நெற்பயிர்கள் சாய்ந்தன. இதனால் விவசாயிகள் கவலை அடைந்தனர். ஆடி காற்றில் அம்மியே பறக்கும் என்பார்கள். ஆனால் வைகாசி மாத கடைசியிலேயே காற்று வேகமாக அடிக்க தொடங்கிவிட்டது. நேற்றும் காற்றின் வேகம் அதிகமாக தான் இருந்தது. இதனால் புழுதி பறந்து வாகனங்களில் சென்றவர்கள் மிகவும் அவதிப்பட்டனர்.

தொடர்புடைய செய்திகள்

1. பாபர் மசூதி இடிப்பு தினம் நாளை அனுசரிப்பு: குமரியில் பாதுகாப்பு பணியில் 1200 போலீசார்
பாபர் மசூதி இடிப்பு தினம் நாளை அனுசரிக்கப்படுவதையொட்டி குமரி மாவட்டத்தில் 1,200 போலீசார் பாதுகாப்பு பணியில் ஈடுபட்டு உள்ளனர்.
2. திருச்சியில் பலத்த மழை: விமானம் இறங்கும் போது இறக்கை தரையில் தட்டியதாக பரபரப்பு
திருச்சியில் பலத்த மழையால் விமானம் தரை இறங்கும் போது, இறக்கை தரையில் தட்டியதாக விமான நிலையத்தில் பரபரப்பு ஏற்பட்டது.
3. ‘கஜா’ புயலால் புதுக்கோட்டை மாவட்டத்தில் கடும் சேதம்: மின்சார சேவை முற்றிலும் துண்டிப்பு
‘கஜா‘ புயலால் புதுக்கோட்டை மாவட்டத்தில் கடும் சேதம் ஏற்பட்டுள்ளது. மின்சார சேவை முற்றிலும் துண்டிக்கப்பட்டுள்ளது. இயல்பு வாழ்க்கை திரும்ப ஒருவார காலமாகும் என எதிர்பார்க்கப்படுகிறது.
4. குமரி மாவட்டத்தில் பலத்த மழை: திற்பரப்பு அருவியில் வெள்ளப்பெருக்கு சுற்றுலா பயணிகள் குளிக்க தடை
குமரி மாவட்டத்தில் நேற்று பலத்த மழை பெய்தது. திற்பரப்பு அருவியில் வெள்ளப்பெருக்கு ஏற்பட்டதால் சுற்றுலா பயணிகள் குளிக்க தடை விதிக்கப்பட்டது.
5. புதுக்கோட்டை மாவட்டத்தில் பலத்த மழை
புதுக்கோட்டை மாவட்ட பல்வேறு பகுதிகளில் நேற்று பலத்த மழை பெய்தது.