மாவட்ட செய்திகள்

கட்-அவுட், பேனர்கள் வைப்பதை தடுக்க அதிகாரிகள் அடங்கிய குழுவினை அமைக்க கவர்னர் கிரண்பெடி உத்தரவு + "||" + Cut-out, prevent banners from keeping Governor's order to set up the committee

கட்-அவுட், பேனர்கள் வைப்பதை தடுக்க அதிகாரிகள் அடங்கிய குழுவினை அமைக்க கவர்னர் கிரண்பெடி உத்தரவு

கட்-அவுட், பேனர்கள் வைப்பதை தடுக்க அதிகாரிகள் அடங்கிய குழுவினை அமைக்க கவர்னர் கிரண்பெடி உத்தரவு
கட்-அவுட், பேனர்கள் வைப்பதை தடுக்க அதிகாரிகள் அடங்கிய குழுவினை அமைக்க கவர்னர் கிரண்பெடி உத்தரவிட்டார்.
புதுச்சேரி,

புதுவையின் முக்கிய சந்திப்புகள், வீதிகளில் சமீப காலமாக கட்-அவுட்டுகள், பேனர்கள் பிரம்மாண்டமாக வைக்கப்பட்டு வருகின்றன. சில கட்-அவுட்டுகள் பொதுமக்களின் முகம் சுழிக்கும் வகையிலும், பொதுமக்களின் கவனத்தை ஈர்த்து விபத்தை ஏற்படுத்தும் வகையிலும் இவை உள்ளன.


இதுகுறித்து கவர்னர் கிரண்பெடிக்கு ஏராளமான புகார்கள் சென்றன. இதைத்தொடர்ந்து அனுமதியின்றி வைக்கப்பட்டுள்ள கட்-அவுட்டுகள், பேனர்களை அகற்ற அதிகாரிகளுக்கு கவர்னர் கிரண்பெடி உத்தரவிட்டார்.

கவர்னர் உத்தரவின்பேரில் அதிகாரிகள் நேற்று முன்தினம் முதல் கட்-அவுட்டுகளை அகற்றி வருகின்றனர். நேற்று காலையிலும் அந்த பணிகள் தொடர்ந்தது.

கட்-அவுட்டுகளை அகற்றும் பணியினை நேற்று கவர்னர் கிரண்பெடி ஆய்வு செய்தார். ஒதியஞ்சாலை சந்திப்பு, வெங்கடசுப்பாரெட்டியார் சிலை சதுக்கம், நெல்லித்தோப்பு சிக்னல், புஸ்சி வீதி உள்ளிட்ட பகுதிகளுக்கு நேரில் சென்று ஆய்வு மேற்கொண்டார். அப்போது அதிகாரிகளுக்கு சில ஆலோசனைகளையும் வழங்கினார்.

மேலும் நகராட்சி, பொதுப்பணித்துறை, காவல்துறை, போக்குவரத்து போலீஸ் அதிகாரிகள் அடங்கிய நடமாடும் குழுவினை அமைக்கவும் அவர் உத்தரவிட்டார். இந்த குழுவினர் நாள்தோறும் ரோந்து சென்று கண்காணித்து நடவடிக்கை எடுக்குமாறும் அறிவுறுத்தினார். அதுகுறித்த விவரங்களை நாள்தோறும் சமூக வலை தளத்தில் பதிவிடவும் கேட்டுக்கொண்டார். கட்-அவுட், பேனர்களை அனுமதி பெற்று வைக்க பொதுமக்களை அறிவுறுத்துமாறும், அதுகுறித்த இடங்களை பொதுமக்களுக்கு தெரிவிக்குமாறும் அதிகாரிகளுக்கு அறிவுறுத்தினார்.

இந்த ஆய்வின்போது கவர்னரின் கூடுதல் செயலாளர் ஸ்ரீநிவாஸ், புதுவை நகராட்சி செயற்பொறியாளர் சேகர், போலீஸ் சூப்பிரண்டு வெங்கடாசலம், இன்ஸ்பெக்டர் மாறன் ஆகியோர் உடனிருந்தனர்.

தொடர்புடைய செய்திகள்

1. பொருட்களுக்கு பதிலாக வழங்க ஏற்பாடு: சிவப்பு ரே‌ஷன் கார்டுகளுக்கு ரூ.135 பொங்கல் பரிசு, கவர்னர் உத்தரவு
சிவப்பு ரே‌ஷன் கார்டுதாரர்களுக்கு பொங்கல் பொருட்களுக்கு பதிலாக தலா ரூ.135 வழங்க கவர்னர் கிரண்பெடி உத்தரவிட்டுள்ளார். அவரவர் வங்கிக்கணக்கில் வருகிற 14–ந் தேதி செலுத்தப்படும்.
2. மணல் திருட்டை முற்றிலும் தடுக்க வேண்டும்; போலீசாருக்கு, கவர்னர் அதிரடி உத்தரவு
தென் பெண்ணை ஆற்றில் இருந்து மணல் திருடப்படுவதை முற்றிலும் தடுக்க வேண்டும் என்று பாகூர் போலீசாருக்கு கவர்னர் கிரண்பெடி அதிரடியாக உத்தரவு பிறப்பித்தார்.
3. கோவை மாநகராட்சியில் குடிநீர் வினியோக பணியை தொய்வின்றி செயல்படுத்த வேண்டும் - அமைச்சர் எஸ்.பி.வேலுமணி உத்தரவு
கோவை மாநகராட்சியில் உள்ள 100 வார்டுகளில் குடிநீர் வினியோகம், சாலைப்பணிகளை தொய்வின்றி செயல்படுத்த வேண்டும் என்று அமைச்சர் எஸ்.பி.வேலுமணி மாநகராட்சி அலுவலர்களுக்கு உத்தரவிட்டார்.
4. தமிழக அரசின் உத்தரவுப்படி விருதுநகர் நகராட்சி பகுதியில் சொத்து வரியை ஒரே சீராக உயர்த்த வேண்டும்; இடையில் செய்த மாற்றங்களை ரத்து செய்ய கோரிக்கை
விருதுநகர் நகராட்சி பகுதியில் தமிழக அரசு உத்தரவுப்படி குடியிருப்பு மற்றும் வணிக நிறுவனங்களுக்கு ஒரே சீராக வரியை உயர்த்த வேண்டும் என்றும், இடையில் செய்த வரி விதிப்பு மாற்றங்களை ரத்து செய்ய வேண்டும் என்றும் கோரப்பட்டுள்ளது.
5. நெல்லித்தோப்பு தொகுதியில் சாலை பணிகளை விரைந்து முடிக்க நாராயணசாமி உத்தரவு
நெல்லித்தோப்பு தொகுதியில் சாலை பணிகளை விரைந்து முடிக்க முதல்–அமைச்சர் நாராயணசாமி உத்தரவிட்டார்.