மாவட்ட செய்திகள்

சென்னை ரெயிலில் அடிபட்டு 3 பெண்கள் பலி மராட்டியத்தில் பரிதாபம் + "||" + In Chennai Train 3 Womens are killed

சென்னை ரெயிலில் அடிபட்டு 3 பெண்கள் பலி மராட்டியத்தில் பரிதாபம்

சென்னை ரெயிலில் அடிபட்டு 3 பெண்கள் பலி
மராட்டியத்தில் பரிதாபம்
தண்டவாளத்தை கடக்க முயன்ற போது சென்னை- ஜோத்பூர் எக்ஸ்பிரஸ் ரெயிலில் அடிபட்டு 3 பெண்கள் பரிதாபமாக உயிரிழந்தனர்.

நாக்பூர், 

தண்டவாளத்தை கடக்க முயன்ற போது சென்னை- ஜோத்பூர் எக்ஸ்பிரஸ் ரெயிலில் அடிபட்டு 3 பெண்கள் பரிதாபமாக உயிரிழந்தனர். ஒருவர் உயிருக்கு ஆபத்தான நிலையில் சிகிச்சை பெற்று வருகிறார்.

கோவிலுக்கு சென்றனர்

புல்தானா மாவட்டம் சேகாவ் பகுதியில் புகழ்பெற்ற கஜானன் கோவில் உள்ளது. இந்த கோவிலுக்கு மாநிலத்தின் பல்வேறு பகுதியில் இருந்தும் பக்தர்கள் வந்து செல்வது வழக்கம். இந்த நிலையில் அதே மாவட்டமான நந்தூரா பகுதியை சேர்ந்த பெண்கள் 4 பேர் நேற்று இந்த கோவிலுக்கு வந்தனர்.

சாமி தரிசனத்தை முடித்துகொண்டு மதியம் தங்கள் கிராமத்திற்கு திரும்புவதற்காக சேகாவ் ரெயில் நிலையத்திற்கு சென்றனர். அப்போது அங்கு நின்றுகொண்டிருந்த மின்சார ரெயிலில் ஏறுவதற்காக அவர்கள் தண்டவாளத்தை கடக்க முயற்சி செய்தனர். அப்போது அந்த வழியாக வேகமாக வந்த சென்னை- ஜோத்பூர் எக்ஸ்பிரஸ் ரெயில் அவர்கள் மீது மோதி சென்றது.

3 பெண்கள் பலி

இந்த கோர விபத்தில் 3 பெண்கள் உடல் நசுங்கி பரிதாபமாக உயிரிழந்தனர். ஒருவர் மருத்துவமனையில் உயிருக்கு ஆபத்தான நிலையில் சிகிச்சை பெற்று வருகிறார். உயிரிழந்தவர்களின் பெயர்கள் சரிதா விஜய் சாபே(வயது30), சங்கீதா பானுதாய் கோலே(40), சந்தாபாய் சிவாரி திசாரா(45) என்பது விசாரணையில் தெரியவந்தது.

இதுகுறித்து ரெயில்வே போலீசார் வழக்குப்பதிவு செய்து விசாரணை நடத்தி வருகின்றனர்.



தொடர்புடைய செய்திகள்

1. மோட்டார் சைக்கிளில் இருந்து தவறி விழுந்த வாலிபர் சாவு
புதுச்சத்திரம் அருகே மோட்டார் சைக்கிளில் இருந்து தவறி விழுந்த வாலிபர் பரிதாபமாக உயிரிழந்தார்.
2. மோட்டார் சைக்கிள்–மொபட் மோதல்; விவசாயி பலி
திட்டக்குடியில் மோட்டார் சைக்கிள்–மொபட் மோதிய விபத்தில் விவசாயி இறந்தார். இதில் 2 அதிகாரிகள் காயமடைந்தனர்.
3. பாளையங்கோட்டையில் அடுத்தடுத்து சம்பவம் ரெயிலில் அடிபட்டு 2 பேர் பலி
நெல்லையில் அடுத்தடுத்த சம்பவங்களில் ரெயிலில் அடிபட்டு 2 பேர் பலியானார்கள்.
4. கடம்பூர் அருகே ரோட்டோர மரத்தில் பஸ் மோதி கவிழ்ந்தது; வாலிபர் சாவு
கடம்பூர் அருகே ரோட்டோர மரத்தில் பஸ் மரத்தில் மோதி கவிழ்ந்ததில் வாலிபர் ஒருவர் இறந்தார். 20–க்கும் மேற்பட்டவர்கள் படுகாயம் அடைந்தார்கள்.
5. சிவகாசி அருகே சுவர் இடிந்து விழுந்து பலியான 74 ஆடுகள் ஒரே இடத்தில் புதைப்பு
சிவகாசி அருகே சுவர் இடிந்து விழுந்து பலியான 74 ஆடுகளும் ஒரே இடத்தில் புதைக்கப்பட்டன.