மாவட்ட செய்திகள்

குழந்தைகளை வேலைக்கு அனுப்பும் பெற்றோர் மீது நடவடிக்கை கலெக்டர் லதா எச்சரிக்கை + "||" + Action on parents to send children to work

குழந்தைகளை வேலைக்கு அனுப்பும் பெற்றோர் மீது நடவடிக்கை கலெக்டர் லதா எச்சரிக்கை

குழந்தைகளை வேலைக்கு அனுப்பும் பெற்றோர் மீது நடவடிக்கை கலெக்டர் லதா எச்சரிக்கை
குழந்தைகளை வேலைக்கு அனுப்பும் பெற்றோர் மீதும் கடும் நடவடிக்கை எடுக்கப்படும் என்று கலெக்டர் லதா எச்சரிக்கை விடுத்துள்ளார்.

சிவகங்கை,

குழந்தை தொழிலாளர் எதிர்ப்பு தினத்தையொட்டி சிவகங்கை அரண்மனை வாசலில் இருந்து பஸ் நிலையம் வரை பள்ளி குழந்தைகள், வியாபாரிகள் மற்றும் பொதுமக்கள் கலந்துகொண்ட, குழந்தை தொழிலாளர் முறைக்கு எதிரான மனிதச் சங்கிலி மற்றும் கையெழுத்து இயக்கம் நடைபெற்றது. மாவட்ட கலெக்டர் லதா மனிதச் சங்கிலியை தொடங்கி வைத்து, குழந்தை தொழிலாளர் ஒழிப்பு தொடர்பான துண்டு பிரசுரத்தை பொதுமக்களுக்கு வழங்கினார்.

பின்னர் குழந்தை தொழிலாளர் எதிர்ப்பு தினத்தையொட்டி பள்ளிகளில் நடைபெற்ற போட்டிகளில் வெற்றிபெற்ற மாணவ–மாணவிகளுக்கு பரிசு வழங்கும் விழா, சிவகங்கை கலெக்டர் அலுவலகத்தில் கலெக்டர் தலைமையில் நடைபெற்றது. தொழிலாளர் நலத்துறை அலுவலர்.மைவிழிச்செல்வி வரவேற்று பேசினார். இதனைத்தொடர்ந்து வெற்றிபெற்ற மாணவ–மாணவிகளுக்கு கலெக்டர் பரிசுகளை வழங்கினார்.

விழாவில் கலெக்டர் லதா பேசியதாவது:– குழந்தை மற்றும் வளர்இளம் பருவ தொழிலாளர்களை வேலைக்கு அமர்த்துவோர்களை கண்டறிந்தால் அவர்களுக்கு ரூ.50 ஆயிரம் வரை அபராதம் அல்லது 2 ஆண்டு சிறை தண்டனை அல்லது இவை இரண்டும் சேர்த்து விதிக்கப்படும். 2–வது முறையாக இச்சட்ட விதிகளை மீறும்பட்சத்தில், சம்பந்தப்பட்ட குழந்தை தொழிலாளரின் பெற்றோர்களுக்கும் ரூ.10 ஆயிரம் வரை அபராதம் விதிக்கப்படும். கல்வி உரிமை சட்டத்தின்கீழ், 14 வயதிற்குட்பட்ட குழந்தைகள் அனைவரும் கட்டாயம் கல்வி கற்க வேண்டும். குழந்தை தொழிலாளர் இல்லாத மாவட்டமாக தமிழ்நாட்டில் முதன்முறையாக சிவகங்கை அறிவிக்கை செய்யப்பட்டுள்ளது. எனவே சிவகங்கை தொடர்ந்து குழந்தை தொழிலாளர் இல்லாத மாவட்டமாக தொடர பொதுமக்கள், வியாபாரிகள் மற்றும் அனைத்து வர்த்தக நிறுவனங்களும் ஒத்துழைப்பு நல்க வேண்டும்.

இவ்வாறு அவர் கூறினார். இந்த விழாவில் வருவாய் அலுவலர் இளங்கோ மற்றும் அரசு அலுவலர்கள் கலந்துகொண்டனர்.



தொடர்புடைய செய்திகள்

1. 3-வது சுரங்கம் அமைக்க: ‘என்.எல்.சி.க்கு நிலம் கொடுக்கமாட்டோம்; நிர்பந்தம் செய்தால் தற்கொலை செய்வோம்’ - கருத்துக்கேட்பு கூட்டத்தில் கிராம மக்கள் அறிவிப்பு
3-வது சுரங்கம் அமைக்க என்.எல்.சி.க்கு நிலம் கொடுக்கமாட்டோம், நிர்பந்தம் செய்தால் தற்கொலை செய்வோம் என்று கருத்துக்கேட்பு கூட்டத்தில் கலெக்டர் முன்பு கிராம மக்கள் அறிவித்தனர்.
2. ஈரோடு கலெக்டர் வீட்டுக்கு இறந்த சிறுமியின் உடலை கொண்டு செல்ல முயன்றவர் கைது
இறந்த சிறுமியின் உடலை ஈரோடு கலெக்டர் வீட்டுக்கு கொண்டு செல்ல முயன்றவர் கைது செய்யப்பட்டார். போலீஸ் சோதனையை மீறி மோட்டார் சைக்கிளில் எடுத்து சென்றதால் பரபரப்பு ஏற்பட்டது.
3. கோவில்பட்டி உதவி கலெக்டர் அலுவலகத்தை விவசாயிகள் முற்றுகை பாதிக்கப்பட்ட பயிர்களுக்கு இழப்பீடு வழங்க கோரிக்கை
படைப்புழு தாக்குதலால் பாதிக்கப்பட்ட பயிர்களுக்கு இழப்பீடு வழங்க வலியுறுத்தி, கோவில்பட்டி உதவி கலெக்டர் அலுவலகத்தை விவசாயிகள் முற்றுகையிட்டனர்.
4. அரசு வேலை வழங்கக்கோரி காஞ்சீபுரம் கலெக்டர் அலுவலகத்தில் வாலிபர் தீக்குளிக்க முயற்சி
அரசு வேலை வழங்கக்கோரி காஞ்சீபுரம் கலெக்டர் அலுவலகத்தில் வாலிபர் தீக்குளிக்க முயன்றார்.
5. கலெக்டர் அலுவலகத்தில் பட்டாசு தொழிலாளி தீக்குளிக்க முயற்சி
விருதுநகர் கலெக்டர் அலுவலகத்தில் பட்டாசு தொழிலாளர் ஒருவர் தீக்குளிக்க முயன்ற சம்பவம் பெரும் பரபரப்பை ஏற்படுத்தியது.