மாவட்ட செய்திகள்

குழந்தை கடத்துவதாக வாட்ஸ்-அப்பில் வதந்தி பரப்பிய நகைக்கடை உரிமையாளர் கைது + "||" + Vats-on-the-rum Arrested jeweler owner

குழந்தை கடத்துவதாக வாட்ஸ்-அப்பில் வதந்தி பரப்பிய நகைக்கடை உரிமையாளர் கைது

குழந்தை கடத்துவதாக வாட்ஸ்-அப்பில் வதந்தி பரப்பிய நகைக்கடை உரிமையாளர் கைது
ஆத்தூர், கெங்கவல்லி பகுதியில் குழந்தைகளை ஒரு கும்பல் கடத்துவதாக வாட்ஸ்-அப்பில் தகவல் பரவியது.
கெங்கவல்லி,

ஆத்தூர், கெங்கவல்லி பகுதியில் குழந்தைகளை ஒரு கும்பல் கடத்துவதாக வாட்ஸ்-அப்பில் தகவல் பரவியது. கடந்த 4-ந் தேதி தெடாவூர் பகுதியில் குழந்தைகளை கடத்த வந்ததாக கருதி மனநிலை சரியில்லாமல் சுற்றித்திரிந்த 2 பேரை பொதுமக்கள் பிடித்து தாக்கினர். ஆனால் அவர்கள் குழந்தைகளை கடத்த வரவில்லை என்று தெரிந்தது. இருப்பினும் அவர்கள் காயம் அடைந்து ஆஸ்பத்திரியில் சிகிச்சை பெற்று சொந்த ஊர்களுக்கு அனுப்பி வைக்கப்பட்டனர். இந்த சம்பவம் தொடர்பாக கெங்கவல்லி போலீசார் விசாரணை நடத்தினர். இந்த நிலையில் ஆத்தூர் கடைவீதி வீரராகவர் தெருவை சேர்ந்த நகைக்கடை உரிமையாளர் கவுரி சங்கர், ஆத்தூர், கெங்கவல்லி சுற்றுவட்டார பகுதியில் குழந்தைகளை ஒரு கும்பல் கடத்தி உடல் உறுப்புகளை எடுத்து விற்பனை செய்து வருவதாகவும், தெடாவூர் பகுதியில் 14 குழந்தைகள் கடத்தப்பட்டு இருப்பதாகவும், கூறி வாட்ஸ்-அப்பில் தகவலை பரப்பியதும் தெரியவந்தது. இதனால் வாட்ஸ்-அப்பில் தவறாக பதிவு செய்த கவுரிசங்கரை கெங்கவல்லி போலீசார் நேற்று கைது செய்தனர். 


தொடர்புடைய செய்திகள்

1. பொள்ளாச்சி- கோவை தேசிய நெடுஞ்சாலை மைல் கற்களில் இந்தி எழுத்துக்கள் அழிப்பு; தந்தை பெரியார் திராவிடர் கழகத்தினர் 40 பேர் கைது
பொள்ளாச்சி- கோவை தேசிய நெடுஞ்சாலை மைல் கற்களில் எழுதப் பட்டிருந்த இந்தியை தந்தை பெரியார் திராவிடர் கழகத்தினர் அழித் தனர். இதையொட்டி 40 பேரை போலீசார் கைது செய்தனர்.
2. கோவிலில் விளக்கு ஏற்றிய தகராறு: தொழிலாளி அடித்து கொலை வாலிபர் கைது
கோவிலில் விளக்கு ஏற்றுவது தொடர்பாக ஏற்பட்ட தகராறில் தொழிலாளி அடித்து கொலை செய்யப்பட்டார். இதுதொடர்பாக வாலிபரை போலீசார் கைது செய்து விசாரணை நடத்தி வருகிறார்கள்.
3. தொழிலாளி மர்ம சாவு: உறவினர்கள் போராட்டம்; தோட்ட உரிமையாளர் கைது
தொழிலாளி மர்மமான முறையில் இறந்ததாக கூறி உறவினர்கள் போராட்டம் நடத்தியதை தொடர்ந்து தோட்ட உரிமையாளர் கைது செய்யப்பட்டார். இதைத்தொடர்ந்து 4 நாட்களுக்கு பிறகு அவரது உடலை உறவினர்கள் வாங்கிச்சென்றனர்.
4. திருவாரூரில் தனியார் வங்கி மேலாளர் உள்பட 2 பேர் மீது தாக்குதல் 2 பேர் கைது
திருவாரூரில் தனியார் வங்கி மேலாளர் உள்பட 2 பேரை தாக்கிய 2 பேரை போலீசார் கைது செய்தனர்.
5. விபசாரத்திற்கு மறுத்த சிறுமியை தாக்கிய வங்காளதேச பெண் ‘போக்சோ’ சட்டத்தில் கைது
வேலூரில் விபசாரத்தில் ஈடுபட மறுத்த சிறுமியை தாக்கிய வங்காளதேசத்து பெண் ‘போக்சோ’ சட்டத்தில் கைது செய்யப்பட்டார்.