மாவட்ட செய்திகள்

பழனி முருகன் கோவில் சிலை முறைகேடு: இந்துசமய அறநிலையத்துறை அதிகாரிகள் 2 பேரின் ஜாமீன் மனுக்கள் தள்ளுபடி + "||" + 2 persons to be dismissed by Hindu temple authorities

பழனி முருகன் கோவில் சிலை முறைகேடு: இந்துசமய அறநிலையத்துறை அதிகாரிகள் 2 பேரின் ஜாமீன் மனுக்கள் தள்ளுபடி

பழனி முருகன் கோவில் சிலை முறைகேடு: இந்துசமய அறநிலையத்துறை அதிகாரிகள் 2 பேரின் ஜாமீன் மனுக்கள் தள்ளுபடி
பழனி முருகன் கோவில் சிலை முறைகேடு வழக்கில் கைது செய்யப்பட்டுள்ள இந்துசமய அறநிலையத்துறை முன்னாள் அதிகாரிகள் 2 பேரின் ஜாமீன் மனுக்களை தள்ளுபடி செய்து தஞ்சை கோர்ட்டு உத்தரவிட்டுள்ளது.
தஞ்சாவூர்,

பழனி தண்டாயுதபாணி சாமி கோவிலில் கடந்த 2004-ம் ஆண்டு நவபாஷாண மூலவர் சிலை சேதமடைந்ததாக கூறி புதிய சிலை தங்கத்தால் வடிவமைக்க முடிவு செய்யப்பட்டது. இந்த சிலையை வடிவமைக்க 10 கிலோ தங்கம் திருத்தணி முருகன் கோவிலில் இருந்து கடனாகப் பெறப்பட்டது. காஞ்சீபுரம் மாவட்டம் கேளம்பாக்கத்தை சேர்ந்த முத்தையா ஸ்தபதி(வயது 77), இந்த சிலையை வடிவமைத்தார்.


சிலை வடிவமைத்ததில் முறைகேடு நடந்ததாக கூறி சிலை கடத்தல் தடுப்பு பிரிவு போலீசார் கடந்த மார்ச் மாதம் 24-ந் தேதி வழக்குப்பதிவு செய்து முத்தையா ஸ்தபதி, அப்போதைய பழனி கோவிலின் செயல் அலுவலராக இருந்த ராஜா(66) ஆகியோரை கைது செய்தனர்.

மேலும் இந்த வழக்கில் சம்பந்தப்பட்டவர்களாக கருதப்படும் இந்துசமய அறநிலையத்துறை முன்னாள் உதவி ஆணையர் சென்னை ஆதம்பாக்கத்தை சேர்ந்த தேவேந்திரன்(67), பழனி ஆயக்குடியை சேர்ந்த இணை ஆணையர் புகழேந்தி(60) ஆகியோரை சிலை கடத்தல் தடுப்பு பிரிவு போலீசார் கடந்த 14-ந் தேதி மே மாதம் கைது செய்து திருச்சி சிறையில் அடைத்தனர்.

இந்த நிலையில் கைது செய்யப்பட்ட இருவரும் ஜாமீன் கோரி தஞ்சை மாவட்ட முதன்மை அமர்வு நீதிமன்றத்தில் மனுத்தாக்கல் செய்திருந்தனர். இந்த ஜாமீன் மனுக்கள் மீதான விசாரணை நேற்று மாவட்ட முதன்மை அமர்வு நீதிபதி சிவஞானம் முன்பு விசாரணைக்கு வந்தது. இந்த மனுக்களை விசாரித்த நீதிபதி, வழக்கின் குற்றத்தன்மை மற்றும் அதன் தீவிரம் கருதி 2 பேரின் ஜாமீன் மனுக்களையும் தள்ளுபடி செய்து உத்தரவிட்டார். 

தொடர்புடைய செய்திகள்

1. ஓட்டலில் சாப்பாடு வாங்க பாத்திரம்-துணிப்பை கொண்டு வருபவர்களுக்கு 10 சதவீதம் தள்ளுபடி
ஓட்டலில் சாப்பாடு வாங்க பாத்திரம், துணிப்பை கொண்டு வருபவர்களுக்கு 10 சதவீதம் தள்ளுபடி அறிவிக்கப்பட்டுள்ளது.
2. அனைத்து கடன்களையும் தள்ளுபடி செய்ய வலியுறுத்தி கலெக்டர் அலுவலகத்தில் தப்பு அடித்து விவசாயிகள் போராட்டம்
அனைத்து கடன்களையும் தள்ளுபடி செய்ய வலியுறுத்தி தஞ்சை கலெக்டர் அலுவலகத்தில் தப்பு அடித்து விவசாயிகள் போராட்டத்தில் ஈடுபட்டனர்.
3. ராஜஸ்தானில் ரூ.18,000 கோடி விவசாய கடன் தள்ளுபடி; காங்கிரஸ் அரசு உத்தரவு
ராஜஸ்தான் மாநிலத்தில் ரூ.18,000 கோடி விவசாய கடனை காங்கிரஸ் அரசு தள்ளுபடி செய்துள்ளது.
4. சிலை பதுக்கல் தொடர்பாக விளக்கம் அளிக்க சம்மன்: ரன்வீர்ஷா, கிரண்ராவ் ஆஜராகவில்லை 11 பேரின் மனுக்கள் நிராகரிப்பு
சிலை பதுக்கல் தொடர்பாக விளக்கம் அளிப்பதற்காக கும்பகோணத்தில் உள்ள சிலை கடத்தல் தடுப்பு பிரிவு அலுவலகத்தில் ஆஜராக வேண்டும் என ரன்வீர்ஷா, கிரண்ராவ் உள்பட 14 பேருக்கு சம்மன் அனுப்பப்பட்டது. இதில் ஒருவர் மட்டுமே ஆஜரானார். ரன்வீர்ஷா, கிரண்ராவ் ஆகியோர் ஆஜராகவில்லை. இதுதொடர்பாக தாக்கல் செய்யப்பட்ட 11 பேரின் மனுக்கள் நிராகரிக்கப்பட்டன.
5. நிலுவையில் உள்ள விவசாயக்கடன் ரூ.2 லட்சம் வரை தள்ளுபடி செய்ய மந்திரிசபையில் ஒப்புதல்
கர்நாடக மந்திரிசபை கூட்டம் முதல்-மந்திரி குமாரசாமி தலைமையில் பெங்களூரு விதான சவுதாவில் நேற்று நடைபெற்றது.