பராமரிப்பு பணி காரணமாக இன்று மின்சார ரெயில் போக்குவரத்தில் மாற்றம்

மும்பை, 

பராமரிப்பு பணி காரணமாக இன்று மின்சார ரெயில் போக்குவரத்தில் மாற்றம் செய்யப்பட்டுள்ளது.

முல்லுண்டு- மாட்டுங்கா

மத்திய ரெயில்வேயில் முல்லுண்டு - மாட்டுங்கா இடையே ஸ்லோ வழித்தடத்தில் இன்று (ஞாயிற்றுக்கிழமை) காலை 11.10 மணி முதல் மாலை 4.10 மணி வரை பராமரிப்பு பணிகள் நடைபெற உள்ளது. எனவே காலை 10.37 மணி முதல் மாலை 4.02 மணி வரை ஸ்லோ ரெயில்கள் அனைத்தும் முல்லுண்டு - மாட்டுங்கா இடையே விரைவு ரெயில் வழித்தடத்தில் இயக்கப்படும்.

இந்த ரெயில்கள் பிளாட் பார வசதி இல்லாததால் நாகுர், காஞ்சூர்மார்க், வித்யவிகார் ஆகிய ரெயில் நிலையங்களில் நிற்காது. பயணிகள் கல்யாண் நோக்கி செல்லும் ஸ்லோ ரெயில் களில் மேற்கூறப்பட்டுள்ள ரெயில் நிலையங்களுக்கு செல்லலாம்.

ரெயில் சேவை ரத்து

துறைமுக வழித்தடத்தில் குர்லா - வாஷி இடையே இன்று காலை 11.10 மணி முதல் மாலை 4.10 மணி வரை பராமரிப்பு பணிகள் நடைபெற உள்ளது.

எனவே காலை 10.34 மணி முதல் பிற்பகல் 3.39 மணி வரை சி.எஸ்.எம்.டி.யில் இருந்து பன்வெல், பேலாப்பூர் , வாஷிக்கு ரெயில் சேவை இருக்காது. இதேபோல காலை 10.21 மணி முதல் பிற்பகல் 3.41 மணி வரை பன்வெல், பேலாப்பூர் மற்றும் வாஷியில் இருந்து சி.எஸ்.எம்.டி.க்கு மின்சார ரெயில்கள் இயக்கப்படாது. எனினும் இந்த நேரத்தில் சி.எஸ்.எம்.டி. - குர்லா, வாஷி - பன்வெல் இடையே சிறப்பு ரெயில்கள் இயக்கப்படும். இந்த தகவலை மத்திய ரெயில்வே வெளியிட்டு உள்ளது.