ஒரு மரணமும்.. உதவும் உள்ளமும்..

வழிப்பறி கொள்ளையர்களால் கொலை செய்யப்பட்ட லாரி டிரைவரின் பிள்ளைகளின் படிப்பிற்காகவும், குடும்ப செலவுக்காகவும் பெண் ஐ.பி.எஸ் அதிகாரி ஒருவர் தன்னுடைய சம்பளத்தில் பாதி தொகையை வழங்கிக் கொண்டிருக்கிறார். அந்த போலீஸ் அதிகாரி பெயர் அஸ்லாம் கான். டெல்லியில் பணிபுரிந்து வருகிறார். இறந்த லாரி டிரைவர் பெயர் சர்தார் மான் சிங். அவரது குடும்பம் பஞ்சாப் மாநிலத்தில் இந்தியா - பாகிஸ்தான் எல்லைப்பகுதியில் வசிக்கிறது.

மான் சிங் லாரி ஓட்டிய வருமானம் மூலம் தனது உறவினர் ஒருவரின் திருமணத்திற்காக 80 ஆயிரம் ரூபாயை சேமித்து வைத்திருக்கிறார். அந்த தொகையுடன் ஊருக்கு திரும்பி வந்து கொண்டிருந்திருக்கிறார். வரும் வழியில் வழிப்பறி கொள்ளையர்கள் அவரை வழிமறித்து கடுமையாக தாக்கி இருக்கிறார்கள். அவர்களின் பிடியில் இருந்து மீள முடியாமல் படுகாயமடைந்து இறந்துபோய்விட்டார்.

அவருடைய வருமானத்தை நம்பி வாழ்ந்த குடும்பம் நிலை குலைந்து போனது. அவரது பிள்ளைகள் பல்ஜித் கவுர், ஜஸ்மித்கவுர், அஸ்மித் கவுர் ஆகியோரின் படிப்பும் கேள்விக்குறியானது. இதை அறிந்த ஐ.பி.எஸ். அதிகாரி அஸ்லாம் கான், மான்சிங்கின் குடும்பத்திற்கு உதவ முன் வந்திருக்கிறார். அதுபற்றி பல்ஜித் கவுர் சொல்கிறார்.