மாவட்ட செய்திகள்

டேங்கர் லாரி வேலை நிறுத்த போராட்டத்துக்கு தடை, ஐகோர்ட்டு உத்தரவு + "||" + Tanker Laurie banned the fight to stop work

டேங்கர் லாரி வேலை நிறுத்த போராட்டத்துக்கு தடை, ஐகோர்ட்டு உத்தரவு

டேங்கர் லாரி வேலை நிறுத்த போராட்டத்துக்கு தடை, ஐகோர்ட்டு உத்தரவு
பெட்ரோல், டீசல் டேங்கர் லாரி வேலை நிறுத்த போராட்டத்துக்கு தடைவிதித்து சென்னை ஐகோர்ட்டு உத்தரவிட்டுள்ளது.
சென்னை,

சென்னையை அடுத்த அத்திப்பட்டு புதுநகர் பகுதியில் இந்துஸ்தான் பெட்ரோலிய கழகத்தின் எண்ணெய் கிடங்கு உள்ளது. இங்கிருந்து சென்னை, காஞ்சீபுரம், திருவள்ளூர் உள்ளிட்ட 7 மாவட்டங்களுக்கும், புதுச்சேரி மாநிலத்துக்கும் பெட்ரோல், டீசல் சப்ளை செய்ய தனியார் டேங்கர் லாரிகள் ஒப்பந்த அடிப்படையில் இயக்கப்படுகின்றன.

இந்த ஒப்பந்தம் வரும் செப்டம்பர் 30-ந் தேதியுடன் முடிவடைவதால் அடுத்த 5 ஆண்டுக்கான ஒப்பந்த புள்ளிகள் கோரப்பட்டன.

அதில் வங்கி உத்தரவாத தொகையை குறைக்கவேண்டும் என்பது உள்ளிட்ட பல்வேறு கோரிக்கைகளை வலியுறுத்தி, டேங்கர் லாரி உரிமையாளர்கள் கடந்த 9-ந்தேதி முதல் வேலை நிறுத்த போராட்டத்தில் ஈடுபடபோவதாக அறிவித்தனர்.

இதை எதிர்த்து சென்னை ஐகோர்ட்டில், இந்துஸ்தான் பெட்ரோலிய கழகத்தின் துணை பொதுமேலாளர் நாராயணராவ் வழக்கு தொடர்ந்தார்.

இந்த வழக்கை நீதிபதி டி.ராஜா நேற்று விசாரித்தார். அப்போது புதிய ஒப்பந்த விதிமுறைகள் எந்த விதத்திலும் தற்போதுள்ள ஒப்பந்ததாரர்களுக்கு பாதிப்பை ஏற்படுத்தாதது என்று மனுதாரர் தரப்பில் வாதிடப்பட்டது.

இதையடுத்து நீதிபதி, பெட்ரோல், டீசல் டேங்கர் லாரிகள் வேலை நிறுத்த போராட்டத்துக்கு தடைவிதித்து உத்தரவிட்டார். இந்த வழக்கிற்கு 2 வாரத்துக்குள் பதில் அளிக்கும்படி தமிழக அரசுக்கும், டேங்கர் லாரி உரிமையாளர்கள் சங்கத்துக்கும் நோட்டீஸ் அனுப்ப நீதிபதி உத்தரவிட்டார்.


தொடர்புடைய செய்திகள்

1. கணவரின் உடலை இறுதி சடங்கு செய்வதில் இரு மனைவிகளுக்கு இடையே பிரச்சினை: ஐகோர்ட்டு உத்தரவு
கணவரின் உடலை இறுதி சடங்கு செய்வதில் இரு மனைவிகளுக்கு இடையே பிரச்சினை இருந்து வருவது தொடர்பான வழக்கை விசாரித்த ஐகோர்ட்டு, 2 நாட்களுக்கு சமரசம் ஏற்படாவிட்டால் போலீசாரே அடக்கம் செய்ய உத்தரவிட்டுள்ளது.
2. பழைய வாடகை கட்டுப்பாட்டு சட்டத்தின்கீழ் வழக்குகளை விசாரிக்கலாம் தீர்ப்பாயங்களுக்கு, ஐகோர்ட்டு உத்தரவு
புதிய சட்டம் அமல்படுத்தப்படும் வரை பழைய வாடகை கட்டுப்பாட்டு சட்டத்தின்கீழ் வழக்குகளை விசாரிக்கலாம் என்று வாடகை தொடர்பான வழக்குகளை விசாரிக்கும் தீர்ப்பாயங்களுக்கு மதுரை ஐகோர்ட்டு உத்தரவிட்டுள்ளது.
3. ஜெய்ஹிந்த்புரத்தில் ஆக்கிரமிப்புகளை 4 வாரத்தில் அகற்ற வேண்டும் மதுரை கலெக்டருக்கு, ஐகோர்ட்டு உத்தரவு
ஜெய்ஹிந்த்புரத்தில் ஆக்கிரமிப்புகளை 4 வாரத்தில் அகற்ற கலெக்டருக்கு ஐகோர்ட்டு உத்தரவிட்டுள்ளது.
4. தொடக்கக்கல்வி இயக்குனர் நேரில் ஆஜராகி விளக்கம் அளிக்கவேண்டும் ஐகோர்ட்டு உத்தரவு
முறையான கட்டிடம் இல்லாமல் பள்ளிக்கூடம் இயக்குவதற்கு எப்படி அனுமதி வழங்கப்பட்டது? என்பதை நேரில் ஆஜராகி விளக்கம் அளிக்கும்படி தொடக்கக்கல்வி இயக்குனருக்கு சென்னை ஐகோர்ட்டு உத்தரவிட்டுள்ளது.
5. ஐகோர்ட்டு உத்தரவு எதிரொலி: சிறையில் தற்கொலை செய்த கைதியின் உடல் பாதுகாப்பாக வைக்கப்பட்டது
ஐகோர்ட்டு உத்தரவு எதிரொலியாக பாளை. சிறையில் தற்கொலை செய்த கைதியின் உடல் பாதுகாப்பாக அரசு ஆஸ்பத்திரியில் வைக்கப்பட்டது.