மாவட்ட செய்திகள்

சிப்பாய் புரட்சி தினம் அனுசரிப்பு நினைவு தூணுக்கு கலெக்டர் ராமன் மலர்தூவி அஞ்சலி + "||" + Collector Rama Paradhi Tribute to the Prabha Day of the Day of Change

சிப்பாய் புரட்சி தினம் அனுசரிப்பு நினைவு தூணுக்கு கலெக்டர் ராமன் மலர்தூவி அஞ்சலி

சிப்பாய் புரட்சி தினம் அனுசரிப்பு நினைவு தூணுக்கு கலெக்டர் ராமன் மலர்தூவி அஞ்சலி
வேலூரில் நேற்று சிப்பாய் புரட்சி தினம் அனுசரிக்கப்பட்டது. கலெக்டர் ராமன் கலந்து கொண்டு சிப்பாய் புரட்சி நினைவுத்தூணுக்கு மலர்தூவி அஞ்சலி செலுத்தினார்.
வேலூர், 

வேலூர் கோட்டையில் கடந்த 1806-ம் ஆண்டு ஜூலை மாதம் 10-ந் தேதி சிப்பாய் புரட்சி நடந்தது. இந்த புரட்சியே இந்தியா முழுவதும் சுதந்திர போராட்டம் ஏற்படுவதற்கு காரணமாக அமைந்தது. இந்த போராட்டத்தில் உயிர்தியாகம், வீரமரணம் அடைந்தவர்களை நினைவுகூரும் வகையில் வேலூர் மக்கான் சந்திப்பில் நினைவு தூண் அமைக்கப்பட்டுள்ளது.

இங்கு ஒவ்வொரு ஆண்டும் ஜூலை மாதம் 10-ந் தேதி சிப்பாய் புரட்சியில் உயிர்தியாகம் செய்தவர்களுக்கு நினைவு அஞ்சலி செலுத்தப்பட்டு வருகிறது. அதன்படி 212-வது ஆண்டு நினைவுதினம் நேற்று அனுசரிக்கப்பட்டது. இதற்காக மக்கானில் உள்ள நினைவு தூண் மலர்களால் அலங்கரிக்கப்பட்டிருந்தது.

காலை 8 மணிக்கு நடந்த இந்த நிகழ்ச்சியில் கலெக்டர் ராமன், போலீஸ் சூப்பிரண்டு பகலவன், கார்த்திகேயன் எம்.எல்.ஏ., மாவட்ட வருவாய் அலுவலர் செங்கோட்டையன் ஆகியோர் கலந்து கொண்டு மலர்வளையம் வைத்தும், மலர்தூவியும் அஞ்சலி செலுத்தினர்.

மேலும் உதவி கலெக்டர் மேகராஜ், தாசில்தார் பாலாஜி, முன்னாள் படைவீரர்கள் நல துணை இயக்குனர் சங்கீதா மற்றும் முன்னாள் ராணுவ வீரர்கள், என்.சி.சி. மாணவர்கள், பொதுமக்கள் கலந்துகொண்டு அஞ்சலி செலுத்தினர். 


தொடர்புடைய செய்திகள்

1. வாக்காளர் பட்டியலில் பெயர் சேர்க்க பெறப்பட்ட மனுக்களை கணினியில் பதிவு செய்யும் பணியை இந்த மாதத்துக்குள் முடிக்க வேண்டும் கலெக்டர் ராமன் பேச்சு
வாக்காளர் பட்டியலில் பெயர் சேர்க்க, திருத்தம் செய்ய பெறப்பட்ட மனுக்களை கணினியில் பதிவு செய்யும் பணியை இந்த மாதம் இறுதிக்குள் முடிக்க வேண்டும் என கலெக்டர் ராமன் பேசினார்.
2. வேலூர் மாநகராட்சியில் ஒட்டுமொத்த டெங்கு ஒழிப்பு முகாம் கலெக்டர் ராமன் தொடங்கிவைத்தார்
வேலூர் மாநகராட்சியில் உள்ள 60 வார்டுகளிலும் 60 மருத்துவக்குழுக்களை கொண்டு நேற்று ஒட்டுமொத்த டெங்கு ஒழிப்பு முகாம் நடத்தப்பட்டது. இதனை கலெக்டர் ராமன் தொடங்கிவைத்தார்.
3. மாற்றுத்திறனாளிகளுக்கான விளையாட்டு போட்டி கலெக்டர் தொடங்கி வைத்தார்
வேலூரில் மாற்றுத் திறனாளிகளுக்கான விளையாட்டு போட்டிகள் நடந்தது. போட்டியை கலெக்டர் ராமன் தொடங்கி வைத்தார்.
4. வேலூர் மாவட்ட ஏரிகளில்: வண்டல் மண் எடுத்து 17,480 விவசாயிகள் பயனடைந்துள்ளனர் கலெக்டர் தகவல்
வேலூர் மாவட்டத்தில் 17,480 விவசாயிகள் ஏரிகளில் வண்டல் மண் எடுத்து பயனடைந்துள்ளதாக கலெக்டர் ராமன் தெரிவித்துள்ளார். இதுகுறித்து அவர் வெளியிட்டுள்ள அறிக்கையில் கூறியிருப்பதாவது:-
5. பிளாஸ்டிக் பொருட்கள் பயன்படுத்துவதை பொதுமக்கள் தவிர்க்க வேண்டும்
பிளாஸ்டிக் பொருட்கள் பயன்படுத்துவதை பொதுமக்கள் தவிர்க்க வேண்டும் என்று கிராமசபை கூட்டத்தில் கலெக்டர் ராமன் வேண்டுகோள் விடுத்துள்ளார்.