மாவட்ட செய்திகள்

தென்காசி நகரசபை அலுவலகத்தில் பொதுமக்கள் தர்ணா போராட்டம் + "||" + Public Darna Struggle at Tenkasi Municipal Office

தென்காசி நகரசபை அலுவலகத்தில் பொதுமக்கள் தர்ணா போராட்டம்

தென்காசி நகரசபை அலுவலகத்தில் பொதுமக்கள் தர்ணா போராட்டம்
தென்காசி நகரசபை அலுவலகத்தில் பொதுமக்கள் தர்ணா போராட்டத்தில் ஈடுபட்டனர்.
தென்காசி,

தென்காசி 26-வது வார்டு மாதாங்கோவில் 1-ம் தெருவில் நகரசபை கட்டுப்பாட்டின் கீழ் கடந்த 2 ஆண்டுகளாக பொது கழிப்பறை இயங்கி வந்தது. கடந்த சில நாட்களாக இந்த கழிப்பறை பராமரிப்பு பணி செய்ய வேண்டும் என்று மூடப்பட்டது. ஆனால் அங்கு பராமரிப்பு பணி எதுவும் நடைபெறவில்லை என்றும், உடனடியாக கழிப்பறையை திறக்க வேண்டும் என்று வலியுறுத்தியும் நகரசபை அலுவலகத்தில் அப்பகுதியைச் சேர்ந்த பொதுமக்கள் நேற்று காலை தர்ணா போராட்டத்தில் ஈடுபட்டனர்.

அ.ம.மு.க. ஜெயலலிதா பேரவை நகர செயலாளர் கோபால், தகவல் தொழில்நுட்ப பிரிவு செயலாளர் சாகுல் அமீது பாட்ஷா, ராஜா முகம்மது, அகில இந்திய முஸ்லிம் லீக் மாவட்ட தலைவர் மைதீன் பிச்சை, செயலாளர் திவான் ஒலி மற்றும் பொதுமக்கள் பலர் கலந்து கொண்டனர். இந்த போராட்டம் சுமார் 1 மணி நேரம் நடைபெற்றது.

பின்னர் பொதுமக்கள் நகரசபை ஆணையாளர் (பொறுப்பு) தாணு மூர்த்தியிடம் கோரிக்கை மனு கொடுத்தனர். அவர் இதுகுறித்து உடனடியாக நடவடிக்கை எடுக்கப்படும் என்று தெரிவித்தார். இதை தொடர்ந்து அனைவரும் அங்கு இருந்து கலைந்து சென்றனர். 


தொடர்புடைய செய்திகள்

1. ஒருநாள் விடுப்பு எடுத்து கிராம உதவியாளர்கள் ஆர்ப்பாட்டம்
கிராம உதவியாளர்கள் தங்களின் 7 அம்ச கோரிக்கைகளை வலியுறுத்தி ஒருநாள் விடுப்பு எடுத்து நேற்று ஆர்ப்பாட்டத்தில் ஈடுபட்டனர். கோரிக்கைகளை நிறைவேற்றாவிட்டால் வருகிற 27-ந்தேதி தர்ணா போராட்டம் நடத்தப்படும் என அறிவித்தனர்.
2. சப்-கலெக்டர் அலுவலகம் முன்பு தர்ணா போராட்டம்
பண்ருட்டி ஏரியில் ஆக்கிரமிப்பு அகற்றும் பணி நடைபெற்றது. இதில் வீடுகளை இழந்தவர்கள் கடலூர் சப்-கலெக்டர் அலுவலகத்தை முற்றுகையிட்டு தர்ணா போராட்டத்தில் ஈடுபட்டனர். இதனால் அங்கு பரபரப்பு ஏற்பட்டது.
3. ஒழுங்குமுறை விற்பனைக்கூடம் முன்பு விவசாயிகள் தர்ணா போராட்டம்
லாரிகள் வேலை நிறுத்தம் காரணமாக விருத்தாசலம் ஒழுங்குமுறை விற்பனைக்கூடத்தில் 20 ஆயிரம் நெல் மூட்டைகள் தேக்கமடைந்துள்ளன. அவற்றை கொள்முதல் செய்யக்கோரி விவசாயிகள் தர்ணா போராட்டத்தில் ஈடுபட்டதால் பரபரப்பு ஏற்பட்டது.
4. சாப்பாடு கொடுக்காமல் சித்ரவதை: கணவருடன் சேர்த்து வைக்கக்கோரி கர்ப்பிணி தர்ணா போராட்டம்
சாப்பாடு கூட கொடுக்காமல் சித்ரவதைக்கு ஆளான கர்ப்பிணி தனது கணவருடன் சேர்த்து வைக்கக்கோரி அவரது வீட்டின் முன்பு தர்ணா போராட்டம் நடத்தினார்.
5. திருவண்ணாமலை கிரிவலப்பாதையில் சாலை விரிவாக்கத்தின்போது அகற்றப்பட்ட கற்சிலைகள் சேதம்
திருவண்ணாமலை கிரிவலப்பாதையில் சாலை விரிவாக்கத்தின்போது அகற்றப்பட்ட கற்சிலைகள் சேதமடைந்தது. இதனை கண்டித்து இந்து முன்னணியினர் தர்ணா போராட்டத்தில் ஈடுபட்டதால் பரபரப்பு ஏற்பட்டது.