மாவட்ட செய்திகள்

2 ரேஷன் கடைகளுக்கு ஒரு விற்பனையாளர் பொருட்கள் வாங்க முடியாமல் பொதுமக்கள் அவதி + "||" + 2 Ration shops can not afford to buy a seller of goods

2 ரேஷன் கடைகளுக்கு ஒரு விற்பனையாளர் பொருட்கள் வாங்க முடியாமல் பொதுமக்கள் அவதி

2 ரேஷன் கடைகளுக்கு ஒரு விற்பனையாளர் பொருட்கள் வாங்க முடியாமல் பொதுமக்கள் அவதி
குடவாசலில் 2 ரேஷன் கடைகளுக்கு, ஒரேயொரு விற்பனையாளர் பணியாற்றுவதால் பொருட்கள் வாங்க முடியாமல், பொதுமக்கள் அவதிப்படுகின்றனர்.
குடவாசல்,

திருவாரூர் மாவட்டம் குடவாசல் அண்ணா தெற்கு வீதியில் ஒரு ரேஷன் கடையும், கீழவீதியில் ஒரு ரேஷன் கடையும் இயங்கி வருகிறது. இதில் கீழவீதியில் உள்ள ரேஷன் கடையில் மட்டுமே விற்பனையாளர் உள்ளார். அண்ணா தெற்கு வீதியில் உள்ள ரேஷன் கடையில் விற்பனையாளர் பணியிடம் காலியாக உள்ளது. கீழவீதியில் உள்ள ரேஷன் கடையில் பணியாற்றும் விற்பனையாளரே, தெற்கு வீதியில் உள்ள ரேஷன் கடைக்கு சென்று பொது மக்களுக்கு அத்தியாவசிய பொருட்களை வினியோகம் செய்ய வேண்டிய நிலை உள்ளது.


ஒருவரே 2 கடைகளிலும் மாறி, மாறி பணிபுரிவதால் பொதுமக்கள் பொருட்கள் வாங்க முடியாமல் அவதிப்பட்டு வருகிறார்கள். பொருட்கள் வாங்குவதற்கு பல மணி நேரம் காத்திருக்க வேண்டி இருப்பதாக கவலை தெரிவித்துள்ள பொதுமக்கள், முழு நேர விற்பனையாளரை உடனடியாக பணி அமர்த்த வேண்டும் என கோரிக்கை விடுத்துள்ளனர்.

இதுகுறித்து அப்பகுதி மக்கள் கூறியதாவது:-

குடவாசல் அண்ணா தெற்குவீதியில் உள்ள ரேஷன் கடையில் விற்பனையாளராக பணியாற்றியவர் மாற்று பணிக்கு சென்று விட்டார். அங்கு கடந்த 3 மாதங்களாக விற்பனையாளர் பணியிடம் காலியாக உள்ளது. கீழவீதியில் உள்ள ரேஷன் கடையில் பணியாற்றும் விற்பனையாளர், தெற்கு வீதியில் உள்ள ரேஷன் கடைக்கு வந்து பொருட்களை வினியோகம் செய்ய வேண்டி உள்ளது.

இது 2 பகுதியை சேர்ந்த பொதுமக்களுக்கும் சிரமத்தை ஏற்படுத்துகிறது. பொருட்களும் முறையாக வினியோகம் செய்யப்படுவது இல்லை. சில நாட்கள் 2 கடைகளும் பூட்டப்பட்டு கிடக்கின்றன.

எனவே அண்ணா தெற்குவீதியில் உள்ள ரேஷன் கடைக்கு முழு நேர விற்பனையாளரை பணி அமர்த்த, சம்பந்தப்பட்ட அதிகாரிகள் நடவடிக்கை எடுக்க வேண்டும். இவ்வாறு பொதுமக்கள் கூறினர். 


தொடர்புடைய செய்திகள்

1. கன்னியாகுமரியில் சீசன் கடைகளில் அதிகாரிகள் திடீர் ஆய்வு காலாவதியான உணவு பொருட்கள் அழிப்பு
கன்னியாகுமரியில் சீசன் கடைகளில் உணவு பாதுகாப்புதுறை அதிகாரிகள் திடீரென ஆய்வு நடத்தினர். அப்போது, காலாவதியான உணவு பொருட்களை கொட்டி அழித்தனர்.
2. இடைத்தேர்தல் வந்தால் ஒரு தொகுதியில் கூட தி.மு.க. வெற்றி பெறாது அமைச்சர் காமராஜ் பேட்டி
இடைத்தேர்தல் வந்தால் ஒரு தொகுதியில் கூட தி.மு.க. வெற்றி பெறாது என அமைச்சர் காமராஜ் கூறினார்.
3. கல்லூரி, கடைகளுக்கு ரூ.20 ஆயிரம் அபராதம்: கால்வாயில் குப்பைகளை வீசினால் கடும் நடவடிக்கை - மாநகராட்சி கமிஷனர் எச்சரிக்கை
கால்வாயில் குப்பைகளை வீசினால் கடும் நடவடிக்கை எடுக்கப்படும் என்று மாநகராட்சி கமிஷனர் எச்சரிக்கை விடுத்தார்.
4. ஆரணியில் கடைகளில் உணவு பாதுகாப்புத்துறை அலுவலர்கள் ஆய்வு
ஆரணியில் கடைகளில் உணவு பாதுகாப்புத்துறை அலுவலர்கள் ஆய்வு நடத்தினர்.
5. நேதாஜி மார்க்கெட்டில் ஏல முறையில் கடைகள் ஒதுக்கக்கோரி 23-ந் தேதி வியாபாரிகள் கடையடைப்பு போராட்டம்
நேதாஜி மார்க்கெட்டில் ஏல முறையில் கடைகள் ஒதுக்கக்கோரி 23-ந் தேதி வியாபாரிகள் கடையடைப்பு போராட்டம் நடத்த உள்ளனர்.

அதிகம் வாசிக்கப்பட்டவை