<
மெட்ரோ ரெயிலில் அரசு பள்ளி மாணவர்கள் இலவச பயணம் சிறப்பு அம்சங்கள் குறித்து விளக்கம்
அரசு பள்ளி மாணவ, மாணவிகளை இலவச பயணம் செய்வதற்காக மெட்ரோ நிர்வாகம் ஏற்பாடு செய்துள்ளது.
சென்னை,
மெட்ரோ ரெயில் குறித்த விழிப்புணர்வை அரசு பள்ளி மாணவர்களிடம் ஏற்படுத்த கல்விச் சுற்றுலாவுக்கு சென்னை மெட்ரோ நிர்வாகம் ஏற்பாடு செய்துள்ளது. இதன் மூலம் சென்டிரல் மெட்ரோ-விமானநிலையம் மற்றும் சென்டிரல் மெட்ரோ-ஏ.ஜி.டி.எம்.எஸ். வரை அரசு பள்ளி மாணவ, மாணவிகளை இலவச பயணம் செய்வதற்காக மெட்ரோ நிர்வாகம் ஏற்பாடு செய்துள்ளது.
இதன் ஒரு பகுதியாக 2018-19-ம் கல்வியாண்டில் கடந்த ஜூலை மாதம் 9 ஆயிரத்து 375 மாணவ, மாணவிகள் கல்வி சுற்றுலாவாக இலவசமாக பயணம் செய்துள்ளனர். இந்த மாணவ, மாணவிகளுக்கு மெட்ரோ ரெயில் எவ்வாறு இயங்குகிறது, அதன் சிறப்பு அம்சங்கள் உள்ளிட்ட பல்வேறு தகவல்கள் சுற்றுலாவின் போது விளக்கம் அளிக்கப்பட்டது.
கடந்த ஜூன் மாதம் 21-ந்தேதியில் இருந்து நேற்று வரை மொத்தம் 12 ஆயிரத்து 368 மாணவ, மாணவிகள் கல்வி சுற்றுலாவாக மெட்ரோ ரெயிலில் பயணம் செய்துள்ளனர் என்பது குறிப்பிடத்தக்கது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
