மாவட்ட செய்திகள்

அரியாங்குப்பத்தில் 3 நம்பர் லாட்டரி விற்ற 2 பேர் கைது + "||" + 2 arrested for selling 3 number lottery

அரியாங்குப்பத்தில் 3 நம்பர் லாட்டரி விற்ற 2 பேர் கைது

அரியாங்குப்பத்தில் 3 நம்பர் லாட்டரி விற்ற 2 பேர் கைது
அரியாங்குப்பத்தில் 3 நம்பர் லாட்டரி விற்றதாக 2 பேரை போலீசார் கைது செய்தனர். அவர்களிடமிருந்து லாட்டரி சீட்டு விற்ற பணம் மற்றும் 2 செல்போன்கள் பறிமுதல் செய்யப்பட்டன.
அரியாங்குப்பம்,

அரியாங்குப்பம் மார்க்கெட் பகுதியில் 3 நம்பர் போலி லாட்டரி சீட்டுகள் விற்கப்படுவதாக அதிரடிப்படை போலீஸ் இன்ஸ்பெக்டர் கார்த்திகேயனுக்கு ரகசிய தகவல் கிடைத்தது. அதையடுத்து அவருடைய உத்தரவின்பேரில் அதிரடிப்படை சப்-இன்ஸ்பெக்டர்கள் ரமேஷ், சந்தோஷ் ஆகியோர் அரியாங்குப்பம் போலீசாரின் உதவியுடன் அரியாங்குப்பம் மார்க்கெட் பகுதியில் கண்காணிப்பில் ஈடுபட்டனர்.


அப்போது ஒருவர் செல்போனில் பேசியபடி ஒரு தாளில் நம்பர்களை குறித்துக் கொண்டிருந்தார். அவர் மீது சந்தேகம் அடைந்த போலீசார் அவரை பிடித்து விசாரணை நடத்தினார்கள். இந்த விசாரணையில் அவர் 3 நம்பர் போலி லாட்டரியை செல்போன் மூலம் வாடிக்கையாளர்களுக்கு விற்றது தெரியவந்தது.

அவரிடம் தொடர்ந்து விசாரணை நடத்தியதில் அவர் அரியாங்குப்பம் ஆனந்தா நகரை சேர்ந்த சூரியமூர்த்தி என்பதும், போலி லாட்டரியை அரியாங்குப்பத்தை சோலை கவுண்டர் வீதியை சேர்ந்த ஆதிலிங்கம் (55) என்பவர் மூலம் விற்பனை செய்ததும் தெரிய வந்தது.

விசாரணையைத் தொடர்ந்து சூரியமூர்த்தி (45) மற்றும் ஆதிலிங்கம் ஆகிய 2 பேரையும் போலீசார் கைது செய்தனர். அவர்களிடமிருந்து பணம் மற்றும் 2 செல்போன்களை போலீசார் பறிமுதல் செய்தனர்.


தொடர்புடைய செய்திகள்

1. பீடி கேட்டதால் ஏற்பட்ட தகராறு: தலையில் கல்லை போட்டு தொழிலாளி கொலை; நண்பர் கைது
அவினாசி அருகே பீடிகேட்டதால் ஏற்பட்ட தகராறில் தலையில் கல்லை போட்டு தொழிலாளி கொலை செய்யப்பட்டார். இது தொடர்பாக அவருடைய நண்பரை போலீசார் கைது செய்தனர்.
2. சென்னை தண்டையார்பேட்டையில் சிறுமியை கர்ப்பமாக்கிய தாயின் கள்ளக்காதலன் கைது
தண்டையார்பேட்டையில், 16 வயது சிறுமியை கர்ப்பமாக்கிய தாயின் கள்ளக்காதலனை போலீசார் கைது செய்தனர்.
3. நங்கநல்லூரில் ஏ.டி.எம். எந்திரத்தை உடைத்து கொள்ளை முயற்சி; என்ஜினீயர் கைது
நங்கநல்லூரில் தனியார் வங்கி ஏ.டி.எம். எந்திரத்தை உடைத்து கொள்ளையடிக்க முயன்ற என்ஜினீயரை போலீசார் கைது செய்தனர். கடன் தொல்லையால் கொள்ளையடிக்க முயன்றதாக போலீசாரிடம் அவர் வாக்குமூலம் அளித்து உள்ளார்.
4. ஓட்டேரியில் மளிகை கடைக்காரரிடம் வழிப்பறி; 3 பேர் கைது
ஓட்டேரியில் மளிகை கடைக்காரரிடம் செல்போனை பறித்துச்சென்ற 3 பேர் கைது செய்யப்பட்டனர்.
5. இருவேறு இடங்களில் ரூ.12 லட்சம் போதைப்பொருள் பறிமுதல் : 2 பேர் கைது
மும்பை காட்கோபர்- மான்கூர்டு லிங் சாலையில் ஒருவர் போதைப்பொருளுடன் வருவதாக காட்கோபர் போதைப்பொருள் தடுப்பு பிரிவு போலீசுக்கு தகவல் கிடைத்தது.