மாவட்ட செய்திகள்

ராணுவத்துக்கு ஆள்சேர்ப்பு முகாம்: 36 ஆயிரம் பேர் விண்ணப்பம் + "||" + Army recruitment camp: 36 thousand applications

ராணுவத்துக்கு ஆள்சேர்ப்பு முகாம்: 36 ஆயிரம் பேர் விண்ணப்பம்

ராணுவத்துக்கு ஆள்சேர்ப்பு முகாம்: 36 ஆயிரம் பேர் விண்ணப்பம்
சேலத்தில் நடைபெறும் ராணுவத்துக்கு ஆள்சேர்ப்பு முகாமில் கலந்து கொள்ள 36 ஆயிரம் பேர் விண்ணப்பித்து உள்ளனர் என்று கலெக்டர் ரோகிணி தெரிவித்துள்ளார்.
சேலம்,



சேலம் மகாத்மா காந்தி விளையாட்டு மைதானத்தில் வருகிற 22-ந்தேதி முதல் செப்டம்பர் மாதம் 2-ந்தேதி வரை ராணுவத்துக்கு ஆள் சேர்ப்பு முகாம் நடக்கிறது. இதற்கான முன்னேற்பாடு பணிகள் குறித்த ஆலோசனை கூட்டம் கலெக்டர் அலுவலக கூட்டரங்கில் நடைபெற்றது. இதற்கு கலெக்டர் ரோகிணி தலைமை தாங்கி பேசினார். அப்போது அவர் கூறியதாவது:-
ராணுவத்துக்கு ஆள்சேர்ப்பு முகாமில் சோல்ஜர் டெக்னிக்கல், டெக்னிக்கல் கம்யூனிசன், நர்சிங் உதவியாளர், எழுத்தர், டிரேட்ஸ்மேன் ஆகிய பிரிவுகளுக்கு ஆட்கள் தேர்வு செய்யப்பட உள்ளனர். இதில் சேலம், கோவை, தர்மபுரி, திண்டுக்கல், ஈரோடு, நாமக்கல், நீலகிரி, திருப்பூர், கிருஷ்ணகிரி, மதுரை, தேனி ஆகிய 11 மாவட்டங்களை சேர்ந்தவர்கள் கலந்து கொள்ள உள்ளனர்.

ராணுவ ஆள்சேர்ப்பு முகாமில் கலந்து கொள்ள மொத்தம் 36 ஆயிரம் பேர் விண்ணப்பித்துள்ளனர். விண்ணப்பதாரர்கள் நாளை (வெள்ளிக்கிழமை) முதல் ஆன்லைனில் அனுமதி சீட்டை பதிவிறக்கம் செய்து கொள்ள வேண்டும். ராணுவத்துக்கு ஆள்சேர்ப்பு முகாம் மிக சிறப்பாக நடைபெற அலுவலர்கள் ஒன்றிணைந்து பணியாற்ற வேண்டும்.

மேலும் விண்ணப்பதாரர்களுக்கு தேவையான குடிநீர் வசதி, கழிப்பிட வசதி உள்ளிட்ட அனைத்து வசதிகளையும் முழுமையாக ஏற்படுத்திட வேண்டும்.
இவ்வாறு அவர் கூறினார்.
கூட்டத்தில் மாவட்ட வருவாய் அதிகாரி சுகுமார், ராணுவத்துக்கான ஆள்சேர்ப்பு இயக்குனர் கர்னல் ரானே, சேலம் மாவட்ட முன்னாள் படைவீரர் நல அலுவலர் பிரபாகர் உள்பட பலர் கலந்து கொண்டனர். 


தொடர்புடைய செய்திகள்

1. சேலத்தாம்பட்டியில் அடுக்குமாடி குடியிருப்பு கட்ட எதிர்ப்பு: கலெக்டரிடம் மனு
சேலத்தாம்பட்டியில் அடுக்குமாடி குடியிருப்பு கட்டக்கூடாது என எதிர்ப்பு தெரிவித்து கலெக்டர் ரோகிணியிடம் பொதுமக்கள் மனு கொடுத்தனர்.
2. சேலத்தில்: பெற்றோர் இன்றி தவித்த அண்ணன்-தங்கைகளுக்கு அரசு குடியிருப்பில் வீடு வழங்கிய கலெக்டர்
சேலத்தில் பெற்றோர் இன்றி தவித்த அண்ணன்-தங்கைகளுக்கு தமிழ்நாடு குடிசை மாற்று வாரிய குடி யிருப்பில் கலெக்டர் ரோகிணி வீடு வழங்கினார்.
3. சேலத்தில் பிளாஸ்டிக் ஒழிப்பு விழிப்புணர்வு ஊர்வலம் கலெக்டர் ரோகிணி தொடங்கி வைத்தார்
சேலத்தில் நடந்த பிளாஸ்டிக் ஒழிப்பு விழிப்புணர்வு ஊர்வலத்தை கலெக்டர் ரோகிணி தொடங்கி வைத்தார்.
4. மக்கள் குறை தீர்க்கும் நாள் கூட்டத்தில் 41 சிறுவர்-சிறுமிகளுக்கு ரூ.10.46 லட்சம் உதவித்தொகை கலெக்டர் ரோகிணி வழங்கினார்
மக்கள் குறை தீர்க்கும் நாள் கூட்டத்தில் 41 சிறுவர், சிறுமிகளுக்கு ரூ.10 லட்சத்து 46 ஆயிரம் உதவித்தொகையை கலெக்டர் ரோகிணி வழங்கினார்.
5. கஜா புயலால் பாதித்த மாவட்டங்களுக்கு ரூ.92 லட்சம் நிவாரண பொருட்கள் அனுப்பி வைப்பு கலெக்டர் ரோகிணி தகவல்
கஜா புயலால் பாதித்த மாவட்டங்களுக்கு சேலத்தில் இருந்து இதுவரை ரூ.92 லட்சம் மதிப்பில் நிவாரண பொருட்கள் அனுப்பி வைக்கப்பட்டுள்ளதாக மாவட்ட கலெக்டர் ரோகிணி தெரிவித்துள்ளார்.