மாவட்ட செய்திகள்

தாத்தாவை ஹஜ் பயணத்துக்கு வழியனுப்ப வந்த 2 வயது குழந்தை 3-வது மாடியில் இருந்து தவறி விழுந்து பலி + "||" + Grandfather Haj came to lead the journey 2 year old child Falling off the 3rd floor Dead

தாத்தாவை ஹஜ் பயணத்துக்கு வழியனுப்ப வந்த 2 வயது குழந்தை 3-வது மாடியில் இருந்து தவறி விழுந்து பலி

தாத்தாவை ஹஜ் பயணத்துக்கு வழியனுப்ப வந்த 2 வயது குழந்தை 3-வது மாடியில் இருந்து தவறி விழுந்து பலி
சென்னை சூளையில், தாத்தாவை ஹஜ் பயணத்துக்கு வழியனுப்ப வந்த 2 வயது குழந்தை 3-வது மாடியில் இருந்து தவறி விழுந்து இறந்தது.
திரு.வி.க.நகர்,

சென்னை சூளை, டிமலஸ் சாலையில் தமிழ்நாடு ஹஜ் சர்வீஸ் சொசைட்டி கட்டிடம் உள்ளது. ஹஜ் புனித பயணம் மேற்கொள்வதற்காக உள்ளூர் மற்றும் வெளியூர்களில் இருந்துவரும் இஸ்லாமியர்கள் இங்கு தங்குவதற்கு ஏற்பாடு செய்யப்பட்டுள்ளது. அவர்களுக்கு பயணத்துக்கு வேண்டிய ஏற்பாடுகளும் இங்கு செய்யப்பட்டு வருகிறது.


நேற்று மதியம் 12.30 மணியளவில் இந்த கட்டிடத்தின் 3-வது மாடியில் உள்ள அறையில் இருந்த பால்கனியில் விளையாடிக் கொண்டிருந்த 2 வயது ஆண் குழந்தை தவறி கீழே விழுந்தது. உடனே அங்கிருந்தவர்கள் குழந்தையை எழும்பூர் குழந்தைகள் மருத்துவமனைக்கு சிகிச்சைக்கு கொண்டு சென்றனர்.

தலையில் பலத்த காயம் அடைந்த நிலையில் குழந்தை அங்கு தீவிர சிகிச்சை பிரிவில் சேர்க்கப்பட்டது. மூளை செயல்பாடு முற்றிலும் இழந்த நிலையில் அந்த குழந்தை சிறிது நேரத்தில் சிகிச்சை பலனின்றி இறந்தது.

இதுபற்றி தகவல் அறிந்த பேசின்பிரிட்ஜ் போலீஸ் சப்-இன்ஸ்பெக்டர் கோகுல் மற்றும் போலீசார் வழக்கு பதிவு செய்து விசாரணை நடத்தினர்.

கர்நாடகா மாநிலம் தார்வாட மாவட்டம் நியூ உப்பள்ளி பகுதியை சேர்ந்தவர் மோசின் (வயது 26). இவரது மனைவி ருக்சார் (22), மகன்கள் ஓமின் (4), அப்துல்லா (2). மோசின் அங்குள்ள ஒரு இறைச்சி கடையில் வேலை செய்து வருகிறார். ருக்சாரின் தந்தை அல்லோபாக்ஸ் என்பவர் ஹஜ் புனித பயணம் செல்கிறார். அவரை வழியனுப்புவதற்காக இவர்கள் அனைவரும் கடந்த 7-ந்தேதி சென்னை வந்து இந்த கட்டிடத்தின் 3-வது மாடியில் உள்ள ஒரு அறையில் தங்கியிருந்தனர்.

மீனம்பாக்கம் விமான நிலையத்தில் அல்லோபாக்சை நேற்று காலை வழியனுப்பிவிட்டு தங்களது அறைக்கு திரும்பி வந்தனர். இன்று (வெள்ளிக்கிழமை) மதியம் ரெயில் மூலம் கர்நாடகம் திரும்பிச் செல்ல இருந்தனர். இந்நிலையில் அறையின் பால்கனியில் இருந்த நாற்காலியில் ஏறி விளையாடிக் கொண்டிருந்த குழந்தை அப்துல்லா தவறி விழுந்துவிட்டது போலீஸ் விசாரணையில் தெரியவந்தது.

அந்த குழந்தை காது கேட்காத, வாய் பேசமுடியாத நிலையில் இருந்ததாக அவரது தாயார் தெரிவித்தார். குழந்தையின் உடல் பிரேத பரிசோதனைக்காக ராஜீவ்காந்தி அரசு மருத்துவமனைக்கு அனுப்பிவைக்கப்பட்டது.


தொடர்புடைய செய்திகள்

1. குழந்தை இறந்த 2-வது நாளில் விஷம் குடித்த தந்தை மருத்துவமனையில் தீவிர சிகிச்சை
மீன்சுருட்டி அருகே குழந்தை இறந்த 2-வது நாளில் விஷம் குடித்த தந்தைக்கு மருத்துவமனையில் தீவிர சிகிச்சை அளிக்கப்பட்டு வருகிறது.
2. ‘குழந்தைகளுக்கு தமிழில் பேச கற்றுக் கொடுங்கள்’ ஐ.ஏ.எஸ். அதிகாரி சகாயம் வேண்டுகோள்
‘குழந்தைகளுக்கு தமிழில் பேச கற்றுக் கொடுங்கள்’என காரைக்குடியில் ஐ.ஏ.எஸ். அதிகாரி சகாயம் வேண்டுகோள் விடுத்துள்ளார்.
3. டெல்லியில் காணாமல் போகும் 10 குழந்தைகளில் 6 பேரின் கதி தெரியவே இல்லை; அறிக்கையில் தகவல்
டெல்லியில் காணாமல் போகும் 10 குழந்தைகளில் 6 பேரின் கதி என்ன என்பது அறியப்படாமலேயே உள்ளது என அறிக்கை ஒன்று இன்று தெரிவித்துள்ளது.
4. 2½ வயது குழந்தையை பாலியல் பலாத்காரம் செய்த கட்டிட தொழிலாளிக்கு 50 ஆண்டு சிறை தண்டனை
2½ வயது குழந்தையை பாலியல் பலாத்காரம் செய்த கட்டிட தொழிலாளிக்கு 50 ஆண்டு சிறை தண்டனை விதித்து கடலூர் மகளிர் கோர்ட்டு நேற்று பரபரப்பு தீர்ப்பு வழங்கியது. இது பற்றிய விவரம் வருமாறு:-
5. பச்சிளம் பெண் குழந்தை இறந்த விவகாரம்: பிரேத பரிசோதனை முடிவில் திடீர் திருப்பம்
பூதப்பாண்டி அருகே பிறந்து ஒரு மாதமான பச்சிளம் பெண் குழந்தை கொலை செய்யப்பட்டதாக பரபரப்பு நிலவியது. இதையடுத்து பிரேத பரிசோதனை முடிவில் திடீர் திருப்பமாக இயற்கை மரணம் என்பது தெரிய வந்தது.